របាយការណ៍អាជ្ញាធរនៅទីក្រុង Houston នៃរដ្ឋ Texas សហរដ្ឋអាមេរិកបានឲ្យដឹងថា មនុស្សជាង២០០០នាក់ត្រូវបានជួយសង្គ្រោះចេញពីកន្លែងដែលទឹកជំនន់ខ្លាំង ខណៈស្ថានភាពភ្លៀងខ្លាំង និងខ្យល់ព្យុះនៅតែបន្តគំរាមកំហែង។
អភិបាលក្រុង Houston ថ្លែងថា ក្រុមជួយសង្គ្រោះនៅតែបន្តជួយពលរដ្ឋដែលស្ថិតនៅកន្លែងដែលរងគ្រោះ នៅតំបន់ផ្សេងៗទៀត ខណៈពលរដ្ឋជាង២០០០នាក់ត្រូវបានជួយសង្គ្រោះ។
ភ្នាក់ងារព្យាករណ៍អាកាសធាតុជាតិបានថ្លែងថា ស្ថានភាពអាកាសនៅស្ថិតនៅក្នុងភាពមិនច្បាស់លាស់នៅឡើយ ហើយតាមការប៉ាន់ស្មានគឺអាចនឹងមានភ្លៀង និងព្យុះកើតឡើងទៀតនៅពាក់កណ្តាលសប្តាហ៍នេះ។ នេះបើតាមសារព័ត៌មាន BBC។
អភិបាលក្រុងរដ្ឋ Texas លោក Greg Abbott បានថ្លែងថា ផ្លូវធំចំនួន២៥០ និងផ្លូវម៉ូតូជាច្រើនកន្លែងទៀតត្រូវបានបិទ។
អាជ្ញាធរបានរាយការណ៍ថា ក្រុមជួយសង្គ្រោះបានរកឃើញសាកសពចំនួន៥នាក់ នៅក្នុងទីក្រុង Houston និង នៅតាមទីក្រុងផ្សេងៗទៀតដែលកំពុងជួបបញ្ហាទឹកជំនន់និងខ្យល់ព្យុះ៕