ជនជាតិភាគតិចរ៉ូហ៊ីងយ៉ាងរាប់ពាន់នាក់ បាននាំគ្នារត់ចេញពីរដ្ឋរ៉ាក់ឃីតជាថ្មីទៀត ឆ្លងកាត់ព្រំដែនទាំងគ្រោះថ្នាក់ចូលទៅប្រទេសបង់ក្លាដេស ក្រោយពេលមានការបង្ក្រាបដោយប្រដាប់អាវុធពីកម្លាំងយោធារបស់រដ្ឋាភិបាលនៃប្រទេសមីយ៉ាន់ម៉ា។
តាមការចុះផ្សាយរបស់សារព័ត៌មាន BBC បានឲ្យដឹងថា ជនជាតិភាគរ៉ូហ៊ីងយ៉ាទាំងនោះ ព្យាយាមរត់ឆ្លងដែនទៅប្រទេសបង់ក្លាដេស ប៉ុន្តែត្រូវបានកម្លាំងការពារព្រំដែនរបស់បង់ក្លាដេសទប់ស្កាត់ និងបញ្ជូនឲ្យពួកគេត្រឡប់ក្រោយទៅប្រទេសមីយ៉ាន់ម៉ា។
ការផ្ទុះអាវុធកើតឡើងកាលពីថ្ងៃសៅរ៍ បន្ទាប់ពីក្រុមវាយប្រហាររបស់ពួករ៉ូហ៊ីងយ៉ា បានបាញ់ប្រហារលើប៉ុស្តិ៍នគរបាលចំនួន៣០កន្លែង កាលពីថ្ងៃសុក្រ ហើយការផ្ទុះអាវុធនៅតែបន្តកើតមានឡើងរហូតដល់ថ្ងៃសៅរ៍។
សម្តេច Pope Fransis មេដឹកនាំសាសនាគ្រឹស្ត បានអំពាវនាវឲ្យមានការបញ្ចប់ហិង្សាលើជនជាតិភាគតិចរ៉ូហ៊ីងយ៉ា។
ជនជាតិភាគតិចរ៉ូហ៊ីងយ៉ាទាំងនេះ ប្រឈមខ្លាំងជាមួយក្រុមអ្នកកាន់សាសនាព្រះពុទ្ធភាគច្រើននៅក្នុងប្រទេសមីយ៉ាន់ម៉ាជាច្រើនឆ្នាំមកនេះ។
ជនជាតិភាគតិចរ៉ូហ៊ីងយ៉ារាប់ពាន់នាក់បានរត់គេចចេញទៅប្រទេសបង់ក្លាដេស ដោយចោទថា រដ្ឋាភិបាលមីយ៉ាន់ម៉ាន់ម៉ា កំពុងធ្វើសកម្មភាពសម្លាប់ផ្តាច់ពូជ ជនជាតិភាគតិចរ៉ូហ៊ីងយ៉ា៕