វៀតណាមកាត់ទោស​អ្នកជំនួញ​និងអ្នកធ្វើការនៅធនាគារ៥១នាក់​ករណី​លួចបន្លំ​

អតីតប្រធានធនាគារម្នាក់​ និងបុគ្គល៥០នាក់ផ្សេងទៀត ត្រូវបានតុលាការវៀតណាម​បើកសវនាការកាត់ទោសនៅថ្ងៃចន្ទនេះ ពាក់ព័ន្ធនឹងការលួចបន្លំលុយនៅធនាគារឯកជនរាប់លានដុល្លារ។

គោលនយោបាយសំខាន់មួយក្នុងចំណោមគោលនយោបាយផ្សេងទៀតរបស់គណបក្សកុម្មុយនីស្តវៀតណាម ​គឺការប្រយុទ្ធប្រឆាំងខ្លាំងក្លាលើអំពើពុករលួយ។​

បើតាមទីភ្នាក់ងារព័ត៌មាន​ AFP សវនាការនៅថ្ងៃចន្ទ​នេះ បាននាំខ្លួន​អតីតប្រធានក្រុមហ៊ុន​ Ocean Bank លោក  Ha Van Tham ដោយចោទពីបទផ្តល់កម្ចីខុសច្បាប់​ចំនួន​២៣លានដុល្លារអាមេរិក កាលពីឆ្នាំ២០១២។

លោក​ Tham រួមទាំងអ្នកធ្វើការនៅធនាគារ និងអ្នកជំនួញ៥០នាក់ផ្សេងទៀត ដែលធ្វើការពាក់ព័ន្ធ​ធនាគារ​Ocean Bank ប្រឈមនឹងការចោទប្រកាន់ជាច្រើនករណី ពាក់ព័ន្ធនឹងការផ្តល់កម្ចីខុសច្បាប់ ដែលត្រូវការបើកសវនាការរយៈពេល​២០ថ្ងៃចាប់ផ្តើមពីថ្ងៃចន្ទនេះ។​

បើតាមទំហំទោសនៃការចោទប្រកាន់ គឺអ្នកពាក់ព័ន្ធទាំងនេះ ភាគច្រើនប្រឈមមុខនឹងការកាត់ទោសប្រហារជីវិត។​

សវនាការនេះមានអ្នកចូលរួមពាក់ព័ន្ធ គឺមានមេធាវីការពារក្តី៥០នាក់ និងសាក្សីដែលបានដឹងឮរឿងទាំងនេះ មានចំនួន​៧០០នាក់៕