ប្រធានាធិបតីសហរដ្ឋអាមេរិក លោក ដូណល ត្រាំ ទៅពិនិត្យស្ថានភាពទឹកជំនន់ និងខ្យល់ព្យុះនៅរដ្ឋ Texas ស្របពេលដែលស្ថានភាពគ្រោះមហន្តរាយកំពុងតែគំរាមកំហែងខ្លាំង ហើយបានបណ្តាលឲ្យមនុស្សប្រមាណ១៥នាក់ ត្រូវបានរាយការណ៍មកថាស្លាប់។
តាមការចុះផ្សាយរបស់សារព័ត៌មាន BBC ឲ្យដឹងថា លោក ត្រាំ និងភរិយារបស់លោក គឺលោកស្រី មេឡានៀ ទៅបំពេញទស្សនកិច្ចដែលកំពុងជួបគ្រោះមហន្តរាយនោះ។
អភិបាលរដ្ឋ Texas ថ្លែងថា លោកចង់ឲ្យលោកប្រធានាធិបតីឃើញផ្ទាល់ពីស្ថានភាពនៃគ្រោះថ្នាក់ខ្លាំងក្លា ដែលពលរដ្ឋកំពុងតែជួបប្រទះ។
នៅក្នុងរដ្ឋ Texas គឺទីក្រុង Houston កំពុងតែជួបប្រទះទឹកជំនន់ខ្យល់ព្យុះនិងបាក់ដីខ្លាំង ដោយសារទំនប់ការពារទឹកចំនួនពីរកន្លែងត្រូវបានលិច ហើយទឹកហូរខាងលើ។
របាយការណ៍របស់សមត្ថកិច្ចបង្ហាញថា ចំនួនអ្នកស្លាប់បានកើនដល់១៥នាក់ ដែលនៅក្នុងនោះមាន៦នាក់ គឺជាគ្រួសារតែមួយ ដោយសារតែរថយន្តរបស់គ្រួសារនោះបានទឹកហូរខ្លាំងគួចយកទៅ៕
