ប្រធានាធិបតីសហរដ្ឋអាមេរិកលោក ដូណល ត្រាំ ថ្លែងថា ការពិភាក្សាជាមួយកូរ៉េខាងជើងក្នុងការដោះស្រាយបញ្ហាកំពុងប្រឈមមិនទទួលបានផលប្រយោជន៍នោះទេ ហើយថាពេលនេះមានតែការប្រើប្រាស់វិធានការយោធាទើបមានដំណោះស្រាយ។
លោក ត្រាំ បានសរសេរនៅលើបណ្តាញសង្គម Twitter របស់លោកកាលពីម្សិលមិញថា អាមេរិកចង់ឲ្យកូរ៉េខាងជើងចេញសងថ្លៃការចំណាយចំពោះការពិភាក្សារយៈពេល២៥ឆ្នាំមកនេះ មិនទទួលបានផលប្រយោជន៍ដោយសារកូរ៉េខាងជើងមិនព្រមសហការ។ នេះបើតាមសារព័ត៌មាន BBC។
ទោះយ៉ាងណា រដ្ឋមន្ត្រីការពារជាតិរបស់អាមេរិកលោក Jame Mattis ថ្លែងថាក្នុងដំណើរការស្វែងរកដំណោះស្រាយរបស់ក្រុមការងារជំនាញនៅតែប្រើប្រាស់វិធីសាស្ត្រការទូតនៅឡើយ។
ចំណែករដ្ឋមន្ត្រីការបរទេសរបស់រុស្ស៊ីលោក Sergei Lavrov ថ្លែងតាមទូរសព្ទប្រាប់រដ្ឋមន្ត្រីការបរទេសអាមេរិកលោក Rex Tillerson ថ្លែងថា រុស្ស៊ីមានការថ្កោលទោសយ៉ាងខ្លាំងចំពោះសកម្មភាពរបស់កូរ៉េខាងជើងក្នុងការបាញ់មីស៊ីលបន្តបន្ទាប់នេះ៕
