ក្រុមអ្នកជួយសង្គ្រោះបានរាយការណ៍ថា ចំនួនអ្នកស្លាប់ដោយសារការបាក់អគារហិរញ្ញវត្ថុនៅក្នុងទីក្រុងប៊ុមបៃនៃប្រទេសឥណ្ឌាកាលពីម្សិលមិញ បានកើនដល់២១នាក់ ខណៈក្រុមជួយសង្គ្រោះនៅតែបន្តសកម្មភាពស្វែងរកអ្នកជាប់ក្នុងបំណែកអគារនោះ។
អគារហិរញ្ញវត្ថុរបស់រដ្ឋធានីប៊ុមបៃ បានបាក់រលំកាលពីម្សិលមិញ ក្រោយពេលមានជំនន់ទឹកភ្លៀង និងខ្យល់ព្យុះខ្លាំង។ អគារនោះត្រូវបានកសាងឡើងមានអាយុកាលប្រមាណ១០០ឆ្នាំ ហើយបានបាក់រលំកាលពីម្សិលមិញ។នេះបើតាមសារព័ត៌មាន BBC។
នៅឥណ្ឌាពលរដ្ឋស្លាប់ដោយសារការបាក់អគារជាញឹកញាប់ដោយសារបញ្ហាសំណង់មិនសូវមានគុណភាព និង បញ្ហាគ្រោះធម្មជាតិ។ ពលរដ្ឋនៅឥណ្ឌាមួយចំនួនកំពុងតែរស់នៅក្នុងសំណង់អគារដែលអាយុកាលប្រមាណ១០០ឆ្នាំ ហើយពេលនេះអាជ្ញាធរកំពុងតែជម្លៀសពលរដ្ឋចេញពីអគារដែលទ្រុឌទ្រោមខ្លាំង៕