ប្រធានាធិបតីសហរដ្ឋអាមេរិកលោក ដូណល ត្រាំ ស្នើឲ្យមានការអនុម័តលុយពីសភាចំនួន៧,៨ពាន់លានដុល្លារ ដើម្បីយកទៅជួយប្រជាពលរដ្ឋក្នុងការស្តារស្ថានភាពទឹកជំនន់ទ្រង់ទ្រាយធំ នៅក្នុងរដ្ឋTexas ខណៈស្ថានភាពទឹកជំនន់បានធូរស្រាលវិញបន្តិច។
តាមការចុះផ្សាយរបស់សារព័ត៌មានBBC បានឲ្យដឹងថា ស្ថានភាពទឹកជំនន់ និង ខ្យល់ព្យុះ បាននៅក្នុងរដ្ឋTexasបានថយចុះច្រើន ប៉ុន្តែនៅតំបន់ខ្លះនៅបង្កការលំបាកនៅឡើយ។ របាយការណ៍របស់សមត្ថកិច្ចបង្ហាញថា ស្ថានភាពទឹកជំនន់ប៉ុន្មានសប្តាហ៍កន្លងទៅនេះ បណ្តាលឲ្យមនុស្សស្លាប់កើនដល់៤៧នាក់។ ចំណែកពលរដ្ឋដែលត្រូវបានជម្លៀសចេញកាលពីសប្តាហ៍មុន កំពុងសម្រាកនៅក្នុងផ្ទះជាកន្លែងស្នាក់នៅបណ្តោះអាសន្ន។
កាលពីម្សិលមិញ ខ្យល់ព្យុះ និង ជំនន់ទឹកភ្លៀង បានរំកិលចេញពីរដ្ឋTexas ទៅបន្តបោកបក់នៅទីក្រុងមួយចំនួនទៀតនៅក្បែរៗនោះ ប៉ុន្តែមិនទាន់មានព័ត៌មានថា ប៉ះពាល់ខ្លាំងកម្រិតណានោះទេ។ប្រែសម្រួល ដោយពៅ មេត្តា
