អាមេរិកបានព្រមាននៅថ្ងៃនេះថា ខ្លួនអាចនឹងចាប់ផ្ដើមនូវ “ការឆ្លើយតបខាងយោធាដ៏ធំមួយ” ទៅនឹងការគំរាមកំហែងពីកូរ៉េខាងជើង បន្ទាប់ពីសកម្មភាពបង្កហេតុរបស់ក្រុងព្យុងយ៉ាង ដែលបានបំផ្ទុះគ្រាប់បែកអ៊ីដ្រូសែន។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។
ប្រតិកម្មរបស់រដ្ឋមន្ត្រីការពារជាតិអាមេរិក លោក Jim Mattis បានកើតឡើងក្រោយពីប្រធានាធិបតីលោក ដូណាល់ ត្រាំ បានកោះប្រជុំក្រុមប្រឹក្សាសន្តិសុខជាតិរបស់លោក ដើម្បីជជែកលើការធ្វើតេស្តគ្រាប់បែកនុយក្លេអ៊ែរដ៏ខ្លាំងក្លា ដែលត្រូវបានគេនិយាយថា មានកម្លាំងខ្លាំងក្លាជាងគ្រាប់បែកអាតូមិកទម្លាក់នៅទីក្រុងហ៊ីរ៉ូស៊ីម៉ាទៅទៀត។
លោក Mattis បានប្រាប់ក្រុមអ្នកយកព័ត៌មានថា ការគំរាមកំហែងណាមួយទៅលើអាមេរិក ឬទឹកដីអាមេរិក រួមទាំងកោះហ្គាំ ឬក៏សម្ព័ន្ធមិត្តរបស់ខ្លួន នឹងប្រឈមមុខនឹងការតបតដោយកម្លាំងយោធាដ៏ធំមួយ។
លោក ត្រាំ បានប្រកាសប្រហារកូរ៉េខាងជើង ដែលបានសាកល្បងគ្រាប់បែកនុយក្លេអ៊ែរជាថ្មីម្ដងទៀតកាលពីថ្ងៃម្សិលមិញនេះ៕
