ជំនន់ទឹកភ្លៀងខ្លាំងនៅក្នុងទីក្រុង Karachi នៃប្រទេសប៉ាគីស្ថាន ជាក្រុងធំបំផុតនៃប្រទេសនេះ បានបណ្តាលឲ្យមនុស្សចំនួន១៦នាក់បានស្លាប់ គឺពួកគេភាគច្រើនជាកុមារ។
សារព័ត៌មាន CNN បានចុះផ្សាយថា ក្នុងចំណោមអ្នកស្លាប់ទាំង១៦នាក់នោះ គឺ១១នាក់ស្លាប់ដោយសារតែការឆក់ខ្សែភ្លើងពេលទឹកលិចផ្ទះរបស់ពួកគេរស់នៅ។
Karachi គឺជាក្រុងដែលទើបជួបបញ្ហាជំនន់ទឹកភ្លៀងចុងក្រោយនេះ ដែលក្រុមអ្នកជំនាញព្រមានថា ជំនន់ទឹកភ្លៀងឆ្នាំនេះ នឹងបង្កគ្រោះថ្នាក់ខ្លាំងបណ្តាលប្រទេសនៅអាស៊ីខាងត្បូង។ របាយការណ៍ថ្មីៗនេះ បណ្តាញថា ចំនួនអ្នកស្លាប់ដោយសារជំនន់ទឹកភ្លៀងនៅអាស៊ីខាងត្បូងកើនដល់ចំនួន១២០០ ហើយចំនួនជាង ៤១លាននាក់ទៀត រងផលប៉ះពាល់។ ប្រទេសដែលប៉ះពាល់ខ្លាំងគឺឥណ្ឌា និង ប្រទេសក្បែរខាងនោះរួមមានទាំង នេប៉ាល់ បង់ក្លាដេស និង ប៉ាគីស្ថាន។ អង្គការមនុស្សធម៌អន្តរជាតិ មានកាកបាតក្រហម និង អឌ្ឍចន្ទក្រហម កំពុងតែអន្តរាគមន៍ជួយផ្តត់ផ្គង់។
ក្នុងសេចក្តីអំពាវនាវរបស់នាយករដ្ឋមន្ត្រី Shahid Khaqan Abbasi ឲ្យមន្ត្រីពាក់ព័ន្ធប្រើគ្រប់មធ្យោបាយ ដើម្បីជួយសង្គ្រោះ ស្ថានភាពទឹកជំនន់ដែលកំពុងគំរាមកំហែងខ្លាំងដល់ជីវិតពលរដ្ឋនៅទីនោះ៕