អារ៉ាប់ប៊ីសាអ៊ូឌីតអនុញ្ញាតឲ្យស្រ្តីមានសិទ្ធិបើកបរការសម្រេចនេះ​ជាប្រវត្តិសាស្ត្រ

អារ៉ាប់ប៊ីសាអ៊ូឌីតសម្រេចអនុញ្ញាតឲ្យស្រី្តមានសិទ្ធិបើកបររថយន្តចាប់ពីខែមិថុនាឆ្នាំក្រោយ  ដែលនេះជាការសម្រេចជាប្រវត្តិសាស្ត្រ បន្ទាប់ពីប្រទេសនេះ អនុវត្តន៍នៅពេលកន្លងមកគឺឲ្យស្ត្រី នៃរថយន្តមិនមានសិទ្ធិបើកបរដោយខ្លួនឯងនោះទេ។​

ប្រទេសនេះ  មានការរឹតត្បិតច្រើនលើសិទ្ធិសេរីភាពរបស់ស្រ្តី  រួមទាំងការបើកបររថយន្តផង ហើយការប្រកាសអនុញ្ញាតឲ្យមានការបើកបរវិញនេះ បន្ទាប់ពីមានចលនាតវ៉ាទាមទារពីក្រុមស្ត្រី​សកម្មជនទាមទារសិទ្ធិសេរីភាព។​ នេះបើតាមទីភ្នាក់ងារព័ត៌មាន​ AFP។​

ការសម្រេចថ្មីរបស់រដ្ឋាភិបាល​គឺមានអនុញ្ញាតឲ្យមានសិទ្ធិ​ស្មើភាពគ្នាលើការធ្វើចរាចរណ៍លើដងផ្លូវ គឺអនុញ្ញាតឲ្យទាំងស្រ្តី និង បុរស។ នេះបើតាម​ទីភ្នាក់ងារព័ត៌មានរបស់រដ្ឋអារ៉ាប់ ដែលចុះផ្សាយកាលពីថ្ងៃទី២៦ខែកញ្ញាម្សិលមិញ។