របាយការណ៍សិក្សាវាយតម្លៃរបស់វេទិកាសេដ្ឋកិច្ចពិភពលោក បានផ្សព្វផ្សាយកាលពីម្សិលមិញ ចាត់ថ្នាក់សហរដ្ឋអាមេរិក ស្ថិតនៅក្នុងចំណាត់ថ្នាក់លេខ២ ស្ថិតនៅក្នុងចំណោមប្រទេសដែលមានការប្រកួតប្រជែងខ្លាំងខាងផ្នែកសេដ្ឋកិច្ច។
របាយការណ៍សិក្សាបានបញ្ជាក់ថា ចំណាត់ថ្នាក់នេះ គឺអាមេរិកជាប់លេខ២ គឺឡើងមួយកម្រិត ចំណែកសិង្ហបុរីជាប់លេខ៣ធ្លាក់មួយកម្រិតបើធៀតនិងឆ្នាំ២០១៦។ ចំណែកហុងកុងបានកើនឡើង៣កម្រិតគឺឡើងពីចំណាត់ថ្នាក់លេខ៩កាលពីឆ្នាំ២០១៦មកចំណាត់ថ្នាក់លេខ៦នៅឆ្នាំ២០១៧។នេះបើតាមWashington post។
របាយការណ៍សិក្សាដោយវេទិកាសេដ្ឋកិច្ចពិភពលោកកាលពីម្សិលមិញគឺ ស្វីសជាប់ចំណាត់ថ្នាក់លេខ ១ បន្តបន្ទាប់ទៀតគឺមាន អាមេរិក សិង្ហបុរី ហូឡង់ និង អាល្លឺម៉ង់ ចំណែក ដែនដីពិសេសហុងកុងលេខ៦។ របាយការណ៍សិក្សាក៏បានបញ្ជាក់ថា សម្រាប់ប្រទេសចិនស្ថិតនៅក្នុងចំណាត់ថ្នាក់លេខ២៧ គឺកើនឡើងមួយកម្រិត ក្នុងចំណោមប្រទេសដែលមានការប្រកួតប្រជែងខ្លាំងចំនួន៣០។
ក្រុមវាយតម្លៃនេះ ដែលមានមូលដ្ឋាននៅក្នុងប្រទេសស្វីសនេះ បានលើកឡើងថា ដែលហុងកុងមានប្រសិទ្ធិភាពខ្ពស់ផ្នែកទីផ្សារ ដោយផ្អែកលើហេដ្ឋារចនាសម្ព័ន្ធ។