រដ្ឋាភិបាលសហរដ្ឋអាមេរិកបានប្រកាសពីគម្រោងចំនួន៨នៃការចាប់ផ្តើមសាងសង់ជញ្ជាំងខណ្ឌព្រំដែនជាប្រទេសម៉ិចស៊ិក តាមការសន្យារបស់ប្រធានាធិបតីដូណលត្រូវនៅពេលដែលលោកឃោសនាមុនការបោះឆ្នោតកាលពីចុងឆ្នាំ ២០១៦។
រដ្ឋាភិបាលរបស់អាមេរិកបានប្រកាសថា ក្នុងចំគម្រោងចំនួន៤គឺជាសំណង់រឹង នៅតំបន់ដែលត្រូវការត្រួតពិនិត្យលើពន្ធគយ និង ច្រកព្រំដែនសំខាន់ ចំណែក កន្លែងផ្សេងៗ៤ទៀតអាចប្រើប្រាស់លើសម្ភារៈដែលអាចជំនួសKគ្នាបានឬ អាចផ្លាស់ប្តូរទីតាំងបាន។ នេះបើតាមសារព័ត៌មានBBC។
លោកត្រាំធ្លាប់ថ្លែងថា លោកនឹងរៀបចំឲ្យមានការកសាងជញ្ជាំងទាំងនេះ ឡើងឲ្យមានភាពស្រស់ស្អាតនៃប្រទេសទាំងពីរនេះ។
មន្ត្រីអាមេរិកថ្លែងថា ពួកគេអាចនឹងត្រូវចំណាយពេលប្រមាណ៣ខែ ដើម្បីវាយតម្លៃ និង រតនារូបរាងឡើង ដែលរួមទាំងការពិសោធន៍លើការបិទជិតជ្រកព្រំដែន។
ក្នុងគម្រោងនិមួយៗដែលបានសិក្សាវាយតម្លៃហើយគឺត្រូវចំណាយប្រមាណ ៤៥០ ០០០ ដុល្លារ ដែលត្រូវចំណាយដោយរដ្ឋាភិបាលសហព័ន្ធ។ ទោះយ៉ាងណានៅមិនទាន់មានការអនុម័តកញ្ចប់ថវិកាពីសភា ចំនួន១,៥ពាន់លានដុល្លារ ជាការស្នើចុងក្រោយរបស់លោកត្រាំ ដើម្បីសាងសង់ជញ្ជាំងនេះនៅឡើយទេ។
ប្រធានាធិបតីអាមេរិកបានទាមទារឲ្យរដ្ឋាភិបាលនៃប្រទេសម៉ិចស៊ិកជួយចេញថ្លៃចំណាយលើការសាសង់ជញ្ជាំងតាមព្រំដែនដែលមានប្រវែងជាង ៣២០០គីឡូម៉ែត្រ ប៉ុន្តែរដ្ឋាភិបាលនៃប្រទេសប៉ិចស៊ិកបានបដិសេធមិនព្រមជួយចេញទេ។
អាមេរិកចាប់ផ្តើមសាងសង់ជញ្ជាំងតាមព្រំដែននេះ ក្រោមហេតុផលថា ដើម្បីការសុវត្ថិភាពពលរដ្ឋអាមេរិក ព្រោះថា មានឧក្រិដ្ឋកម្មជនជាច្រើនឆ្លងកាត់ពីប្រទេសម៉ិចស៊ិចចូលអាមេរិករួមទាំងគ្រឿងញៀន។