តុលាការរបស់វៀតណាមនៅថ្ងៃសុក្រនេះ សម្រេចកាត់ទោសប្រហារជីវិត អតីតប្រធានក្រុមហ៊ុនប្រេងរបស់រដ្ឋ PetroVietnam បន្ទាប់ពីរកឃើញថា មានកំហុស ពាក់ព័ន្ធអំពើពុករលួយ និង ការគ្រប់គ្រងមិនល្អ ដែលធ្វើឲ្យបាត់បង់អស់លុយជាតិចំនួន៦៩លានដុល្លារ។
នៅក្នុងសវនាការនៅថ្ងៃនេះ តុលាការវៀតណាមក៏បានភ្ជាប់ទៅនិងករណីអ្នកធ្វើការនៅធនាគារចំនួន៥១ នាក់ផ្សេងទៀតដែលកំពុងត្រូវកាត់ទោសដូចគ្នា។ អតីតប្រធានក្រុមហ៊ុនប្រេងរបស់រដ្ឋរូបនេះឈ្មោះ Nguyen Xuan ចំណែកកូនប្រុសរបស់លោកក៏តុលាការចាប់ខ្លួនហើយកំពុងដំណើរការកាត់ទោស។នេះ បើតាមទីភ្នាក់ងារព័ត៌មានរ៉យទ័រ។
ថ្ងៃនេះ តុលាការវៀតណាមក៏បានកាត់ទោសមហាសេដ្ឋី១រូប ឈ្មោះ Ha Van Tham ឲ្យជាប់ពន្ធនាគារអស់មួយជីវិត។ លោក Tham ជាអ្នកដែលបង្កើតក្រុមធនាគារOcean Group ។
សវនាការជាទ្រង់ទ្រាយធំរបស់តុលាការក្រុងហាណូយនៅថ្ងៃនេះ គឺជា សំណុំរឿង ដែល អតីតនាយករដ្ឋមន្ត្រីវៀតណាមលោក Nguyen Tan Dung ចាប់ផ្តើមស្រាវជ្រាវតាំងពីឆ្នាំមុន។