អន្តរជាតិ

យន្តហោះ Jetstar មួយគ្រឿងចុះចតបន្ទាន់នៅឈៀងម៉ៃ

លោក ឌិត សុខធី
| ០៣ តុលា ២០១៧
ម៉ោង ១៦:២២

សារព័ត៌មានសិង្ហបុរី Channel News Asia បានចុះផ្សាយថា យន្តហោះមួយគ្រឿងរបស់ក្រុមហ៊ុន Jetstar Pacific ដែលហោះហើរពីទីក្រុងហាណូយ ទៅទីក្រុងហ្កាយ៉ា ប្រទេសឥណ្ឌានោះ បានចុះចតបន្ទាន់នៅព្រលានយន្តហោះខេត្តឈៀងម៉ៃ នៅថ្ងៃម្សិលមិញនេះ។

សារព័ត៌មាននេះ បានចុះផ្សាយព័ត៌មានបែបនេះ ដោយផ្អែកតាមសម្ដីរបស់អ្នកនាំពាក្យក្រុមហ៊ុនអាកាសចរណ៍មួយនេះ។

អ្នកនាំពាក្យក្រុមហ៊ុនថា ជើងហោះហើរនេះ ត្រូវបានបង្វែរទៅចុះនៅឈៀងម៉ៃ ដោយសារតែសញ្ញាព្រមានអំពីផ្សែងហុយនៅក្នុងយន្តហោះ។

យោងតាមកាសែតបាងកក ប៉ុស្តិ៍ អាកាសយានិកបានរាយការណ៍ថា មានផ្សែងហុយនៅក្នុងផ្នែកផ្ទុកវ៉ាលីសលើយន្តហោះ ដែលកំពុងដឹកអ្នកដំណើរ និងបុគ្គលិកសរុប ១៨១នាក់។

ក្រុមហ៊ុនបញ្ជាក់ថា យន្តហោះនោះបានចុះចតដោយសុវត្ថិភាព ហើយត្រូវបានដាក់ឲ្យត្រួតពិនិត្យសុវត្ថិភាពភ្លាមៗ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។