អន្តរជាតិ

ឥណ្ឌូនេស៊ីបញ្ជូនអ្នកនេសាទវៀតណាមខុសច្បាប់ជាង២០០នាក់ចេញពីប្រទេស

ដោយ វីអូឌី
| ០៦ តុលា ២០១៧
ម៉ោង ១១:៥៦

កងទ័ពជើងទឹកនិង ក្រុមអ្នកឃ្លាំមើលការនេសាទនៅថ្ងៃពុធសប្តាហ៍នេះ បានសម្រេចបញ្ជូនអ្នកនេសាទជាជនជាតិវៀតណាមចំនួន២៣៩នាក់ចេញពីប្រទេស ដោយចោទថា ពួកគេឆ្លងដែនចូលដែនសមុទ្ររបស់ឥណ្ឌូនេស៊ីដោយខុសច្បាប់។

អ្នកនេសាទវៀតណាមទាំងនេះ សមត្ថកិច្ចឃាត់ខ្លួននៅក្នុងដែនទឹករបស់ឥណ្ឌូនេស៊ីនៅដែនកោះ Batam Natuna និង Pontianak។ បន្ទាប់ពីការឃាត់ខ្លួន រដ្ឋាភិបាលឥណ្ឌូនេស៊ីសម្រេចកាលពីថ្ងៃពុធបញ្ជូនអ្នកទាំងនេះចេញពីប្រទេស។ នេះបើតាមសារព័ត៌មាន Straits Times។

ការបញ្ជូនចេញនេះ អាជ្ញាធរឥណ្ឌូនេស៊ីបានដឹកអ្នកនេសាទខុសច្បាប់របស់វៀតណាមទាំងនេះ ទៅដល់ត្រឹមកោះ Batam ជាកោះរបស់ឥណ្ឌូនេស៊ី ហើយមន្ត្រីរបស់វៀតណាមយកនាវាទៅទទួលយក។

មន្ត្រីរបស់ឥណ្ឌូនេស៊ី ដែលធ្វើការងារលើករណីនេះថ្លែងថា នេះជាករណីទី២ បន្ទាប់ពីបញ្ជូនជនជាតិវៀតណាមឆ្លងដែនខុសច្បាប់កាលពីខែមិថុនាឆ្នាំ២០១៧នេះ ចំនួន៦៩៥។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។