រដ្ឋាភិបាលរបស់សហរដ្ឋអាមេរិកម្សិលមិញសម្រេចលក់ប្រព័ន្ធការពារមីស៊ីលតម្លៃ១៥ពាន់លានដុល្លារទៅឲ្យប្រទេសអារ៉ាប់ប៊ីសាអ៊ូឌីត ភ្ជាប់ទៅនិងគោលនយោបាយសន្តិសុខជាតិ និង ផលប្រយោជន៍នៃគោលនយោបាយបរទេសរបស់សហរដ្ឋអាមេរិក។
ក្រសួងការបរទេសរបស់សហរដ្ឋអាមេរិកបានចេញសេចក្តីថ្លែងការណ៍ថា ការលក់ប្រព័ន្ធការពារមីស៊ីលនេះ ដើម្បីបង្កើនការពារសន្តិសុខរបស់អារ៉ាប់ និង តំបន់ឈូងសមុទ្រ ប្រឆាំងការគំរាមកំហែងពីអ៊ីរ៉ង់ និង តំបន់ផ្សេងៗមួយចំនួនទៀត។
មន្ទីរប៉ង់តាហ្គោនទីបញ្ជាការកងទ័ពរបស់អាមេរិកបានបញ្ជាក់ថា ការលក់នេះឧបករណ៍នោះគឺដើម្បីជួយដល់តំបន់ដែលមិនមានភាពស្មើគ្នានៅសមត្ថភាពយោធា។
ការប្រកាសរបស់អាមេរិកគឺធ្វើឡើងមួយថ្ងៃក្រោយពេលអារ៉ាប់ប៊ីសាអូឌីត ទិញយន្តហោះចម្បាំងពីរុស្ស៊ីដើម្បីការពារប្រទេស។ នេះបើតាមសារព័ត៌មានBBC។
ឧបករណ៍អាមេរិកលក់ឲ្យអារ៉ាប់ប៊ីសាអ៊ីឌីតនេះ ក៏បានដាក់បំពាក់នៅកូរ៉េខាងត្បូង ដើម្បីការពារការវាយប្រហារពីកូរ៉េខាងជើង។ ប៉ុន្តែត្រូវបានប្រជាពលរដ្ឋកូរ៉េខាងត្បូងមួយចំនួនបានតវ៉ាប្រឆាំងដោយបារម្ភថា វាអាចក្លាយទៅជាចំណុចគោលដៅនៃការផ្ទុះសង្គ្រាមគ្រោះថ្នាក់ដល់ពួកគេនៅតំបន់ក្បែរៗនោះ។ ចំណែកចិនក៏បានចេញមុខជំទាស់យ៉ាងខ្លាំងដែរ ដោយសារប៉ះពាល់ដល់តុល្យភាពសន្តិសុខនៅក្នុងតំបន់។
