ធ្លាក់យន្តហោះចម្បាំងនៅឥណ្ឌាស្លាប់៧នាក់​

កងកម្លាំងយោធារបស់ឥណ្ឌា៧នាក់បានស្លាប់ក្នុងពេលបំពេញការងារ ក្នុងហេតុការណ៍ដែលយន្តហោះចម្បាំងបានធ្លាក់នៅរដ្ឋភាគខាងជើងគឺរដ្ឋ Arunachal Pradesh។​

តាមសារព័ត៌មាន ​BBC ឲ្យដឹងថា ឧត្ថម្ភាចក្រប្រើក្នុងកងកម្លាំងប្រដាប់អាវុធនោះទិញពីប្រទេសរុស្ស៊ី ហើយត្រូវបានជួសជុលថែទាំដើម្បីយកទៅបំពេញការងារ។ ក្នុងចំណោមអ្នកដែលស្លាប់នោះគឺ៥នាក់ជាកងកម្លាំងអាកាសយាន្តនិក និង២នាក់ទៀតជាមន្ត្រីយោធាបំពេញបេសកកម្ម។​

ក្រុមអ្នកជួយសង្គ្រោះអះអាងថា ទីតាំងដែលកើតហេតុនេះ គឺនៅតំបន់ Tawang នៅក្បែរព្រំដែននៃប្រទេសឥណ្ឌា និងប្រទេសចិន៕