រញ្ជួយដីកម្លាំង៦,៦រិច្ឆទ័រជាកម្លាំងខ្លាំងមួយបានញ័រឆ្នេរភាគខាងលិចរបស់សហរដ្ឋអាមេរិកនៅក្នុងរដ្ឋអាឡាស្កា ហើយអ្នកភូមិសាស្ត្របញ្ញាក់ថា មិនមានការគំរាមកំហែងពីរលកស៊ូណាមីនោះទេ។
ក្រុមអ្នកភូមិសាស្ត្ររបស់អាមេរិកបានឲ្យដឹងថា រញ្ជួយដីនេះញ័រក្នុងជម្រៅ ១១១,៨គីឡូម៉ែត្រ និង ចម្ងាយ៦០គីឡូម៉ែត្រភាគខាងកើត កោះ Buldir នៅក្នុងប្រជុំកោះ Aleutian ដែលមានផ្ទះអ្នកស្រុក និងមានប្រជាជនរស់នៅទីនោះប្រមាណ៨ ០០០នាក់។
ក្រុមអ្នកជួយសង្គ្រោះកំពុងអន្តរាគមន៍ជួយដល់អ្នកដែលងាយរងគ្រោះដោយសារការបាក់អគារនៅកន្លែងរញ្ជួយដីនោះ។ ប៉ុន្តែមិនទាន់មានរបាយការណ៍ពីចំនួនអ្នករងរគ្រោះថ្នាក់ និងការខូចខាតនៅឡើយ។ អាជ្ញាធរបានបញ្ជាក់ថា ចំនួនគ្រោះថ្នាក់និង ខូចខាតមានតិចតួច។
មជ្ឈមណ្ឌលតាមដានការគំរាមកំហែងដោយសាររលកស៊ូណាមីនៅមហាសមុទ្រប៉ាស៊ីហ្វិក បានបញ្ជាក់ភ្លាមៗថា ការរញ្ជួយដីនៅរដ្ឋអាឡាស្កានេះ មិនមានសញ្ញារលកស៊ូណាមីកើតឡើងនោះទេ៕
