ជំនន់ទឹកភ្លៀងនៅវៀតណាម រួមមានទាំងខ្យល់ព្យុះ និងបណ្តាលឲ្យបាក់ដីបានធ្វើឲ្យមនុស្សចំនួន៣៧នាក់បានស្លាប់ បាត់ខ្លួន៤០នាក់ ចំណែក២១នាក់ផ្សេងទៀតរងរបួស។
ទីភ្នាក់ងារព័ត៌មាន AFP បានឲ្យដឹងថា ជំនន់បានគ្រប់ដណ្តប់ខ្លាំងនៅភាគខាងជើង និងភាគកណ្តាល។ ប្រជាពលរដ្ឋរាប់ម៉ឺននាក់ ជម្លៀសចេញពីភូមិដើម្បីទៅរកកន្លែងមានសុវត្ថិភាព។ របាយការណ៍សមត្ថកិច្ចបង្ហាញថា ផ្ទះពលរដ្ឋប្រមាណ១៨ ០០០ផ្ទះ ត្រូវបានបំផ្លាញ ឬទឹកលិចបាត់។
ប្រទេសវៀតណាមជាញឹកញាប់តែងតែរងផលប៉ះពាល់ដោយសារទឹកជំនន់ ដោយសារខេត្តភាគច្រើននៅជាប់តំបន់មាត់សមុទ្រ។ កាលពីឆ្នាំមុនប្រជាជនវៀតណាមជាង២០០នាក់ស្លាប់ដោយសារជំនន់៕
