មេដឹកនាំដែនដីរដ្ឋបាលពិសេសហុងកុងលោកស្រី ការី ឡាម ព្រមាននៅក្នុងការថ្លែងសុន្ទរកថា របស់លោកស្រីកាលពីម្សិលមិញថា ដែនដីនេះ ប្រឈមមុខបញ្ហា ហើយត្រូវមានការអភិវឌ្ឍសេដ្ឋកិច្ចចម្រុះបន្ថែមទៀត នឹងមានការបន្ថយការយកពន្ធលើថ្លៃផ្ទះ ដើម្បីបង្កើនការប្រកួតប្រជែង។
ហុងកុងគឺជាដែនដីដែលមានការប្រកួតប្រជែងខ្លាំងមួយនៅក្នុងពិភពលោក ហើយកំពុងមានការប្រឈមការទទួលបានចំណូលមិនមានតុល្យភាព ដោយសារការយឺតយ៉ាវនៃការបំពេញតម្រូវការសាធារណៈ ភាពតានតឹងផ្នែកនយោបាយក្នុងដែនដីចិន និងស្ថានភាពនៃការប្រកួតប្រជែងកាន់តែខ្លាំងកើតឡើង។ នេះបើតាមទីភ្នាក់ងារព័ត៌មានរ៉យទ័រ។
លោកស្រី ឡាម ថ្លែងថា បញ្ហាចំពោះមុខដែលត្រូវប្រកួតប្រជែងជាមួយបណ្តាប្រទេសផ្សេងៗទៀតនោះ ខណៈកើនឡើងនៃក្រុមអ្នកសេដ្ឋកិច្ចអភិរក្សនិយមនៅប៉ុន្មានឆ្នាំចុងក្រោយនេះ។ លោកស្រីបញ្ជាក់ថា ក្នុងស្ថានភាពនេះ ត្រូវតែមានអភិវឌ្ឍន៍ក្នុងគុណតម្លៃខ្ពស់ និងធ្វើឡើងតាមបែបសេដ្ឋកិច្ចចម្រុះ។
ហុងកុងបច្ចុប្បន្នកំពុងលេចធ្លោរលើពិភពលោក ក្នុងការបង្ហាញមុខមាត់ដាច់ចេញពីចិន ដូចជាការអភិវឌ្ឍយ៉ាងឆាប់រហ័សលើការបង្កើតកំពង់ផែ អាកាសយាន្តដ្ឋាន មូលដ្ឋានហិរញ្ញវត្ថុ និង បើកចំហទីផ្សារមានការទាក់ទាញខ្លាំងពី អ្នកវិនិយោគបរទេស៕