អន្តរជាតិ

សិល្បករថៃជាង៣០០នាក់គ្រោងសម្ដែងល្ខោនខោលថ្វាយព្រះសពស្ដេចភូមិបុល អាដុលយ៉ាតេជ

លោក ឌិត សុខធី
| ២២ តុលា ២០១៧
ម៉ោង ១១:៣៨

សារព័ត៌មានអន្តរជាតិ បានរាយការណ៍ថា ប្រទេសថៃគ្រោងបង្ហាញរបាំបុរាណ នៅក្នុងពិធីបូជាព្រះសពព្រះមហាក្សត្រថៃ ភូមិបុល អាដុលយ៉ាតេជ នៅសប្ដាហ៍ក្រោយនេះ។

ព្រះមហាក្សត្រថៃ ភូមិបុល អាដុលយ៉ាតេជ បានសោយទីវង្គតកាលពីថ្ងៃទី១៣ ខែតុលា ឆ្នាំ២០១៦ ហើយព្រះសពរបស់ទ្រង់ត្រូវបានតំកល់ទុកឲ្យមហាជនចូលទៅគោរពក្នុងរយៈពេល ១ឆ្នាំ។

សារព័ត៌មានសិង្ហបុរី Channel News Asia បានផ្សាយថា នៅពេលព្រះសពទ្រង់ ត្រូវបានកំណត់បូជានៅថ្ងៃទី២៦ ខែតុលាសប្ដាហ៍ក្រោយនេះ ល្ខោនខោល នឹងត្រូវសម្ដែងដោយក្រសួងវប្បធម៌ថៃ ដោយមានការចូលរួមសម្ដែងពីសិល្បករជាង ៣០០នាក់។

សារព័ត៌មាននេះចុះផ្សាយទៀតថា ពិធីសម្ដែងដ៏ធំដែលក៏នឹងត្រូវចាក់ផ្សាយបន្តផ្ទាល់តាមទូរទស្សន៍ផងដែរនោះ នឹងសម្ដែងអំពីរឿងបុរាណរ៉ាម៉ាខេន ឬខ្មែរយើងហៅថា រាមកេរ្តិ៍។

មិនថារឿង «រ៉ាម៉ាខេន» ឬរឿង «រាមកេរ្តិ៍»នោះទេ រឿងនេះមានឥទ្ធិពលខ្លាំងពីរឿង «រ៉ាម៉ាយ៉ាណា» ជារឿងបុរាណឥណ្ឌាដែលបរិយាយអំពីសង្គ្រាមរបស់ព្រះរាម ដើម្បីរំដោះជាយារបស់ទ្រង់ ពីក្រុមយក្ស៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។