ប្រធានាធិបតីចិន លោក ស៊ី ជីនពីង កំពុងរៀបចំបន្តនីតិវិធីដើម្បីជ្រើសរើសក្រុមមន្ត្រីជាន់ខ្ពស់ ដើម្បីបំពេញកាងារនៅក្រោមការរៀបចំរបស់លោក ដែលស្ថិតនៅក្នុងតំណែងចំនួន៥ឆ្នាំបន្តទៀត បន្ទាប់ពីសមាជបក្សបោះឆ្នោតគាំទ្រឲ្យលោកបំពេញការងារនៅអាណត្តិទី២បន្ត។
លោក ស៊ី ស្ថិតនៅក្នុងអាយុ៦៤ឆ្នាំ ប្រកាសនៅក្នុងព្រឹកថ្ងៃពុធនេះ ពីការរៀបចំមន្ត្រីសំខាន់៧នាក់នៅក្នុងការិយាល័យនយោបាយ ឬជាក្រុមអ្នកនយោបាយដែលមានឥទ្ធិពលបំផុតនៅក្នុងប្រទេសនេះ។ នេះបើតាមសារព័ត៌មាន BBC។
ការប្រកាសនេះ លោក ស៊ី ធ្វើឡើងនៅក្នុងកិច្ចប្រជុំគណៈកម្មាធិការប្រចាំការ ដែលមានសមាជិកចំនួន២៥នាក់ ដែលជាកិច្ចប្រជុំសំខាន់បំផុតមួយ បន្ទាប់ពីគារប្រជុំសមាជ។
លោក ស៊ី ជីនពីង ជាប់ឆ្នោតជាប្រធានាធិបតីកាលពីឆ្នាំ២០១២ ហើយលោកជាប់ឆ្នោតបន្ត៥ឆ្នាំទៀត ក្រោយពេលការធ្វើសមាជនៅក្នុងឆ្នាំ២០១៧នេះ។
នៅក្នុងប្រវត្តិសាស្ត្រចិនមួយរយៈកាលប៉ុន្មានទសវត្សរ៍ចុងក្រោយនេះ គឺពួកគេកាន់អំណាចបាន១០ឆ្នាំ ស្មើនឹង២អាណត្តិ ដោយមានការពិនិត្យ៥ឆ្នាំម្តង៕
