ប្រធានាធិបតីអាមេរិកលោក ដូណល ត្រាំ សម្រេចរំលងចោលការប្រជុំសំខាន់មួយជាមួយមេដឹកនាំបណ្តាលប្រទេសអាស៊ីខាងកើតនៅខែក្រោយនេះនៅក្នុងប្រទេសហ្វីលីពីន ដោយលោកថា មិនមានសារសំខាន់ក្នុងការចូលរួមរបស់អាមេរិក។
អ្នកតាមដានយល់ថា នេះជាសញ្ញាអាក្រក់មួយដែលលោក ត្រាំ បង្ហាញនៅក្នុងតំបន់ ដែលអាចនាំឲ្យមានការពិចារណាពីដំណើរទស្សនកិច្ចរបស់មេដឹកនាំអាមេរិករូបនេះមកតំបន់អាស៊ី។
តាមគម្រោងរបស់លោក ត្រាំ លោកនឹងធ្វើដំណើរទស្សនកិច្ចរយៈពេល១២ថ្ងៃនៅក្នុងតំបន់អាស៊ី ទៅកាន់ប្រទេសចំនួន៥ និង កិច្ចប្រជុំកំពូលអាស៊ាននៅថ្ងៃទី១៣ខែវិច្ឆិកានៅក្នុងប្រទេសហ្វីលីពីន ហើយថ្ងៃបន្ទាប់ថ្ងៃទី១៤ខែវិច្ឆិកាលោកធ្វើដំណើរទៅអាមេរិកវិញជាថ្ងៃដែលចាប់ផ្តើមសំខាន់នៃកិច្ចប្រជុំកំពូលបណ្តាលប្រទេសអាស៊ីខាងកើត។ នេះបើតាមសារព័ត៌មាន Strait Times។
លោក ត្រាំ នឹងចូលរួមកិច្ចប្រជុំកំពូលអាស៊ាននៅក្នុងទីក្រុងម៉ានីលនៃប្រទេសហ្វីលីពីន នៅថ្ងៃទី១៣ខែវិច្ឆិកា ប៉ុន្តែលោកមិនចូលរួមកិច្ចប្រជុំកំពូលមេដឹកនាំអាស៊ីខាងកើតធ្វើឡើងនៅទីក្រុង Angeles ជាទីក្រុងរបស់ហ្វីលីពីន ដែលមានចម្ងាយប្រមាណ៨០គីឡូម៉ែត្រពីទីក្រុងម៉ានីល។
កិច្ចប្រជុំកំពូលអាស៊ីខាងកើតចាប់ផ្តើមធ្វើនៅថ្ងៃទី១៣ ហើយកម្មវិធីធំមេដឹកនាំពិភពលោកចូលរួមនៅថ្ងៃទី១៤។ កិច្ចប្រជុំនេះផ្តោតសំខាន់យុទ្ធសាស្ត្រនៅការដឹកនាំក្នុងតំបន់ទៅថ្ងៃអនាគត ហើយមានការចូលរួមពីមេដឹកនាំផ្សេងៗទៀតរួមទាំងរុស្ស៊ី និង អូស្ត្រាលីផងដែរ។
លោក ត្រាំ ថ្លែងថា ការប្រជុំនេះ មិនមានសារសំខាន់ទេ ហើយបង្កការរំខានដល់ដៃគួជាច្រើនរបស់អាមេរិកទៅវិញ។ ទោះយ៉ាងណា គេដឹងថា រដ្ឋមន្ត្រីការបរទេសរបស់អាមេរិកលោក រិច ធាលឺសិននឹងចូលរួមក្នុងកិច្ចប្រជុំនេះ៕