សហរដ្ឋអាមេរិកប្រកាសដកជំនួយយោធាចេញពីប្រទេសមីយ៉ាន់ម៉ា ដោយចោទថា មានការរំលោភបំពានលើជនជាតិភាគតិចរ៉ូហ៊ីងយ៉ានៅក្នុងរដ្ឋរ៉ាឃីតភាគខាងជើងនៃប្រទេស។
ក្រសួងការបរទេសរបស់សហរដ្ឋអាមេរិកបានប្រកាសថា ពួកគេបានសម្រេចដកជំនួយយោធាពីប្រទេសមីយ៉ាន់ម៉ា ហើយជំហានបន្ទាប់ ពិចារណាក្នុងការទណ្ឌកម្មសេដ្ឋកិច្ចបន្តទៀត។ នេះបើតាមសារព័ត៌មាន BBC។
ប្រតិភូរបស់បង់ក្លាដេសបានថ្លែងប្រាប់អង្គការសហប្រជាជាតិថា ជនជាតិភាពតិចរ៉ូហ៊ីងប្រមាណមួយលាននាក់រត់គេចចេញពីប្រទេសមីយ៉ាន់ចូលក្នុងប្រទេសបង់ក្លាដេស។
អាមេរិកបញ្ជាក់ថាវិធានការនេះគឺធ្វើឡើងក្នុងនាមអាមេរិកជំរុញឲ្យមានការទទួលខុសត្រូវលើស្ថានភាពជនជាតិរ៉ូហ៊ីងយ៉ា ដែលកំពុងរងគ្រោះដោយសារតែហិង្សាដែលបង្កឡើងដោយពួកយោធា។
ប៉ុន្តែសម្រាប់យោធាមីយ៉ាន់ថ្លែងជាញឹកញាប់ថា ពួកគេបង្ក្រាបតែលើក្រុមឧទ្ទាមបះបោរតែប៉ុណ្ណោះ មិនបានវាយប្រហារលើជនស៊ីវិលនោះទេ។
អង្គការអន្តរជាតិធំៗ រួមទាំងអង្គការសហប្រជាជាតិផង បានថ្កោលទោសនិងជំរុញឲ្យមានដំណោះស្រាយបន្ទាន់លើស្ថានភាពជនជាតិរ៉ូហ៊ីងយ៉ា៕