មេដឹកនាំសហរដ្ឋអាមេរិកប្រាប់មេដឹកនាំជប៉ុនថា គួរតែប្រើប្រាស់អាវុធទិញពីអាមេរិក បាញ់ទម្លាក់មីស៊ីលរបស់កូរ៉េខាងជើងពីលើអាកាស។
ជប៉ុនគឺជាប្រទេសទី១ ដែលលោកត្រាំ ចាប់ផ្តើមនៃដំណើរទស្សនកិច្ចរបស់លោកនៅអាស៊ីចំនួន៥ប្រទេសប្រើពេលចំនួន១០ថ្ងៃ។
ជាការឆ្លើយតបជាមួយមេដឹកនាំអាមេរិក លោក ហ្ស៊ីនហ្ស៊ូអាបេ ថ្លែងថា ប្រទេសរបស់លោកត្រៀមជាស្រេចក្នុងការបាញ់ទម្លាក់បើសិនជាករណីចាំបាច់។នេះបើតាមសារព័ត៌មានBBC។
ក្នុងរយៈពេលប៉ុន្មានខែចុងក្រោយនេះ កូរ៉េខាងជើងបានបាញ់មីស៊ីលឆ្លងកាត់ប្រទេសជប៉ុនចំនួនពីរដង ដោយជោគជ័យមិនមានការបាញ់ទម្លាក់នោះទេ។
នៅក្នុងសន្និសីទនៅព្រឹកថ្ងៃចន្ទនេះ លោកត្រាំថ្លែងថា ជប៉ុនកំពុងដំណើរការទិញអាវុធយ៉ាងច្រើនពីអាមេរិក ហើយថា នៅពេលដែលទិញគ្រប់គ្រាន់ហើយគួរតែបាញ់ទម្លាក់មីស៊ីលរបស់កូរ៉េខាងជើង។
លោកត្រាំថ្លែងថា ការប្រើមីស៊ីលបាញ់ទម្លាក់ អាវុធរបស់កូរ៉េខាងជើងដើម្បីការពារខ្លួននោះមិនមែនជារឿងដែលខុសច្បាប់អន្តរជាតិនោះទេ៕