ប្រធានផ្នែកជំនួយស្បៀងនៃអង្គការសហប្រជាជាតិថ្លែងថា ប្រជាជនយេមែន កាន់តែជួបប្រទះបញ្ហាគ្រោះអត់អាហាររាលដាលខ្លាំងឡើងថែមទៀត បន្ទាប់ពីប្រទេសអារ៉ាប់ដឹកនាំសម្ព័ន្ធមិត្តរបស់ខ្លួនបិទផ្លូវមិនឲ្យនាំស្បៀងអាហារទៅជួយ។
លោក Mark Lowcock ប្រធានផ្នែកកិច្ចការជំនួសសប្បុរសធម៌ថ្លែងថា អ្នកអត់ឃ្លាននៅក្នុងប្រទេសយេមែន នឹងកើតឡើងរាប់លាននាក់ ក្លាយជាបញ្ហាធំបំផុតលើពិភពលោក ហើយមិនធ្លាប់មានច្រើនទសវត្សរ៍មកនេះ។ នេះបើតាមទីភ្នាក់ងារព័ត៌មានAFP។
ក្រោយពេលប្រជុំបិទទ្វារនៅក្រុមប្រឹក្សាសន្តិសុខអង្គការសហប្រជាជាតិ មន្ត្រីបានថ្លែងថា បញ្ហាបិទផ្លូវមិនឲ្យមានការនាំជំនួយទៅឲ្យអ្នករងគ្រោះនៅយេមែន ដោយសារតែអារ៉ាប់ដឹកនាំសម្ព័ន្ធមិត្តធ្វើយុទ្ធនាការប្រឆាំងដល់ក្រុមបះបោរហៃទី ដែលកើតឡើងតាំងពីឆ្នាំ២០១៥។
ទោះយ៉ាងណាអគ្គលេខាធិការអង្គការសហប្រជាជាតិលោក Antonio Guterres បានជជែកតាមទូរសព្ទជាមួយ រដ្ឋមន្ត្រីការបរទេសអារ៉ាប់ ហើយសុំបានបើកផ្លូវច្រកព្រំដែនមួយចំនួនដើម្បីដឹកជំនួយទៅដល់ជនរងគ្រោះនៅយេមែន ការស្នើនោះមានការយល់ព្រម។
ប្រជាជនយេមែនប្រមាណ១៧លាននាក់កំពុងប្រឈមបញ្ហាអត់អាហារបរិភោគ ក្នុងនោះចំនួន៧លាននាក់ជួបហានិភ័យខ្លាំង ហើយជាង ២០០០នាក់ ស្លាប់ដោយសារអត់អាហារ។
