អង្គការសហប្រជាជាតិ (UN) បានច្រានបានចោលការសម្រេចចិត្តរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ ដែលប្រកាសទទួលស្គាល់រដ្ឋធានីយេរូសាឡិម(Jerusalem) ថាជារបស់អ៊ីស្រាអែល បើទោះបីជាមានការគម្រាមកាត់បន្ថយជំនួយផ្ដល់ទៅអង្គការពិភពមួយ។ នេះដោយយោងតាមសារព័ត៌មាន Channel News Asia។
មហាសន្និបាតរបស់អង្គការសហប្រជាជាតិ បានធ្វើការបោះឆ្នោតបដិសេធការសម្រេចចិត្តរបស់ លោក ត្រាំ ដោយមានសមាជិកចូលរួមចំនួន១៩៣ប្រទេស។ លទ្ធផលបានបង្ហាញថា ចំនួនអ្នកបោះឆ្នោតគាំទ្រការបដិសេធមានចំនួន១២៨សំឡេង ហើយ៣៥សំឡេងបោះឆ្នោតមិនផ្តល់យោបល់ និង៩សំឡេង ដែលនៅសល់ រួមមានទាំងសហរដ្ឋអាមេរិកបានបោះឆ្នោតគាំទ្រ។
បើតាម Channel News Asia ឯកអគ្គរដ្ឋទូតអាមេរិច ប្រចាំអង្គការសហប្រជាជាតិ លោកស្រី នីកគី ហាលី បានប្រមានថា “អាមេរិចនឹងចង់ចាំថ្ងៃនេះ។ អាមេរិច នឹងដាក់ស្ថានទូតរបស់ខ្លួនក្នុងរដ្ឋធានីយេរូសាឡិម ហើយគ្មានការបោះឆ្នោតណា ដែលអាចធ្វើឲ្យមានការផ្លាស់ប្តូរការសម្រេចនេះទ្បើយ។ ក៏ប៉ុន្តែ សហរដ្ឋអាមេរិច នឹងពិចារណាមើលទៅលើអង្គការសហប្រជាជាតិ និងបណ្តាប្រទេសមួយចំនួន ដែរមិនគោរពយើងនៅក្នុងការបោះឆ្នោតថ្ងៃនេះ“៕
