ដោយសារតែមានការវាយប្រហារពីព័ត៌មានក្លែងក្លាយច្រើន Facebook បាននឹងកំពុងតែធ្វើការកែទម្រង់ក្នុងការកំណត់ពីព័ត៌មានក្លែងក្លាយនិងបន្លំនៅលើបណ្តាញសង្គម។ វាហ្នឹងបង្ហាញអត្ថបទព័ត៌មានស្រដៀងគ្នា (Related Articles) ពាក់ព័ន្ធទៅហ្នឹងព័ត៌មានក្លែងក្លាយនៅក្នុងព្រឹត្តិការណ៍សកម្មភាពគណនី ដើម្បីឲ្យអ្នកប្រើប្រាស់មានភាពងាយស្រួលក្នុងការវិភាគ។ នេះដោយយោងតាមសារព័ត៌មាន CNN។
ប្រភពដដែលក៏បាន ឲ្យដឹងដែរថា អត្ថបទពាក់ព័ន្ធនឹងផ្តល់ព័ត៌មានអំពើរឿងណាមួយ រួមទាំងព័ត៌មានដែលមិនពិត ហើយប្រសិនបើមាននរណាម្នាក់ព្យាយាមចែករំលែកអត្ថបទព័ត៌មានក្លែងក្លាយ ពួកគេនឹងទទួលបាននៅសារមួយពីប្រភពពិនិត្យព័ត៌មានមួយ។
កាលពីឆ្នាំ២០១៦ ក្រុមហ៊ុន Facebook បានប្រកាសឲ្យប្រើនៅ ទង់សញ្ញា (disputed flag) ក្នុងគោលបំណងដើម្បីបែងចែកព័ត៌មានពិតចេញពីព័ត៌មានមិនពិត។ ក៏ប៉ុន្តែវាតម្រូវឲ្យមានអ្នកត្រួតពិនិត្យយ៉ាងតិច២នាក់ ដែលអ្នកប្រើប្រាស់ភាគច្រើនគិតថា ចំណាយពេលវេលាច្រើន។ រីឯ អត្ថបទព័ត៌មានស្រដៀងគ្នា (Related Articles) វិញ វាត្រូវការអ្នកត្រួតពិនិត្យតែម្នាក់ប៉ុណ្ណោះ។
CNN ក៏បានឲ្យដឹងបន្ថែមថា បន្ទាប់ពីបានធ្វើការសាកល្បងដាក់ឲ្យប្រើប្រាស់នូវ អត្ថបទព័ត៌មានស្រដៀងគ្នា (Related Articles) គេសង្កេតឃើញថា អ្នកប្រើប្រាស់បានធ្វើការចែករំលែកអត្ថបទព័ត៌មានក្លែងក្លាយតិចជាងមុន ដោយសារតែអត្ថបទមួយចំនួនមានអ្នកត្រួតពិនិត្យថាវាជាព័ត៌មានពិត៕
