អន្តរជាតិ

យន្តហោះធ្លាក់នៅកូស្តារីកាសម្លាប់មនុស្ស១២នាក់ ពលរដ្ឋអាមេរិក១០នាក់

លោក ឌិត សុខធី
| ០១ មករា ២០១៨
ម៉ោង ១១:២៦

សារព័ត៌មានអន្តរជាតិ បានរាយការណ៍ថា យន្តហោះប្រទេសកូស្តារីកា បានធ្លាក់នៅតំបន់ព្រៃហួសពីតំបន់ឆ្នេរសមុទ្រសម្បូរភ្ញៀវទេសចរកាលពីថ្ងៃម្សិលមិញនេះ ដោយបានសម្លាប់ពលរដ្ឋអាមេរិក ១០នាក់ និងអកាសយានិក ២រូប។

ទីភ្នាក់ងារព័ត៌មា Reuters ដែលបានដកស្រង់សម្ដីរដ្ឋាភិបាលកូស្តារីកា បានរាយការណ៍ថា គ្រោះថ្នាក់នោះ បានកើតឡើងនៅតំបន់ភ្នំហួសពីទីក្រុងឆ្នេរសមុទ្រ Punta Islita នៅក្នុងខេត្ត Guanacaste ប្រហែល ២៣០គីឡូម៉ែត្រភាគខាងលិចរដ្ឋធានីសាន់ចូសេ។

នាយកទីភ្នាក់ងារអកាសចរណ៍ស៊ីវិលកូស្តារីកា លោក Enio Cubillo បាននិយាយថា យន្តហោះ Cessna 208B Grand Caravan ដែលដាក់ឲ្យប្រតិបត្តិការដោយក្រុមហ៊ុន Nature Air បានធ្លាក់តែប៉ុន្មាននាទីប៉ុណ្ណោះ បន្ទាប់ពីបានហោះហើរ ប៉ុន្តែ ក្រុមមន្ត្រីនៅមិនទាន់ដឹងពីមូលហេតុនៃការធ្លាក់នៅឡើយទេ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។