សហរដ្ឋអាមេរិកនិងកូរ៉េខាងត្បូងព្យួរការធ្វើសមយុទ្ធ

សហរដ្ឋអាមេរិក​និងកូរ៉េខាងត្បូង បានព្រមព្រៀងផ្អាកការធ្វើសមយុទ្ធរួមគ្នា រហូតដល់ចប់ការប្រកួតកីឡាអូឡាំពិករដូវត្រជាក់ដែលប្រព្រឹត្តទៅនៅខែក្រោយនោះ ដោយសារបារម្ភពីការប្រឈមមុខជាមួយកូរ៉េខាងជើង។​

ការសម្រេចរបស់រដ្ឋាភិបាល​នៃប្រទេសទាំងពីរធ្វើឡើងក្រោយពេលដែល លោក ត្រាំ បាននិយាយទូរសព្ទជាមួយមេដឹកនាំកូរ៉េខាងត្បូង នៅថ្ងៃព្រហស្បតិ៍ម្សិលមិញ។ នេះបើតាមទីភ្នាក់ងារព័ត៌មាន ​AFP។​

ការប្រកាសផ្អាក​ការធ្វើសមយុទ្ធរវាងសម្ព័ន្ធមិត្តអាមេរិក និងកូរ៉េខាងត្បូងនេះ ធ្វើឡើង​បន្ទាប់ពីកូរ៉េខាងជើង​ហាក់បន្ទន់ឥរិយាបថចង់មានទំនាក់ទំនងជាមួយកូរ៉េខាងត្បូង ហើយបានប្រកាសបើកខ្សែទូរសព្ទទំនាក់ទំនងគ្នាវិញក្រោយពេលផ្អាកជាង១ឆ្នាំ និង បានបញ្ជូនកីឡាទៅចូលរួមប្រកួតកីឡាអូឡាំពិករដូវត្រជាក់នៅកូរ៉េខាងជើង៕