ចិនបានបិទប្រព័ន្ធផ្សព្វផ្សាយរហូតដល់១២៨ ០០០ ក្នុងឆ្នាំ២០១៧ ដោយចោទថា ជាប់ពាក់ព័ន្ធការផ្សាយរឿងអាសអាភាស និងការផ្សព្វផ្សាយព័ត៌មានដែលប៉ះពាល់ដល់រដ្ឋាភិបាល។
របាយការណ៍ដែលទីភ្នាក់ងារព័ត៌មានរដ្ឋចិនស៊ីនហួ ចុះផ្សាយកាលពីថ្ងៃចន្ទម្សិលមិញឲ្យដឹងថា ក្នុងឆ្នាំ២០១៧ ក្រៅពីបិទគេហទំព័រទាំងជាង១០ម៉ឺននោះ ក៏បានកំណត់មនុស្សប្រមាណ១ ៩០០នាក់ ដែលអាចនឹងត្រូវផ្តន្ទាទោស ពាក់ព័ន្ធករណីផ្សព្វផ្សាយនេះ។
ចិនមានការរឹតបន្តឹងខ្លាំងលើប្រព័ន្ធផ្សព្វផ្សាយ ដោយយោងទៅលើហេតុផលថា ដើម្បីការពារសន្តិសុខសណ្តាប់ធ្នាប់ មិនឲ្យមានចលនាមហាជនកើតឡើង។ ចំណែកព័ត៌មានឬ សៀវភៅដែលមាននិយាយពាក់ព័ន្ធនិងស្ថានភាពនៅដែនដីតៃវ៉ាន់ និងស្ថានភាពចលនានៅទីបេជាដើមត្រូវរដ្ឋអំណាចទីក្រុងប៉េកាំងបង្ក្រាប៕
