ក្រសួងការបរទេសកម្ពុជាបានប្រកាសថា លោកនាយករដ្ឋមន្ត្រី ហ៊ុន សែន គ្រោងនឹងចាកចេញពីប្រទេសកម្ពុជា ទៅបំពេញទស្សនកិច្ចផ្លូវការរយៈពេល ៣ថ្ងៃនៅប្រទេសឥណ្ឌានៅថ្ងៃស្អែកនេះ។
ក្រសួងការបរទេសបានប្រកាសអំពីដំណឹងនៃដំណើរទស្សនកិច្ចរបស់លោក ហ៊ុន សែន ទៅកាន់ប្រទេសឥណ្ឌាបែបនេះ នៅក្នុងសេចក្ដីប្រកាសព័ត៌មានកាលពីថ្ងៃម្សិលមិញនេះ។
បើតាមសេចក្ដីប្រកាសព័ត៌មានដដែលនោះ លោក ហ៊ុន សែន និងមន្ត្រីជាន់ខ្ពស់កម្ពុជា ធ្វើដំណើរទៅកាន់ប្រទេសឥណ្ឌា ដើម្បីចូលរួមក្នុងកិច្ចប្រជុំអាស៊ាន-ឥណ្ឌា ចាប់ពីថ្ងៃទី២៥ ដល់ថ្ងៃទី២៧ ខែមករានេះ។
ក្រៅពីកិច្ចប្រជុំអាស៊ាន-ឥណ្ឌា លោក ហ៊ុន សែន គ្រោងជួបពិភាក្សាជាមួយសមភាគីឥណ្ឌាគឺលោកនាយករដ្ឋមន្ត្រី ណារិនដ្រា ម៉ូឌី ផងដែរ។
ក្រសួងការបរទេសបានបញ្ជាក់ថា ឯកសារនៃកិច្ចព្រមព្រៀងមួយចំនួន ក៏នឹងត្រូវចុះហត្ថលេខាផងដែរអំឡុងដំណើរទស្សនកិច្ចនៃមេដឹកនាំកម្ពុជា៕
