បុគ្គលិកធ្វើការលើយន្តហោះរបស់ក្រុមហ៊ុន Air Asia បានស្លាប់ក្នុងពេលបំពេញការងារដឹកអ្នកដំណើរចេញពីទីក្រុងកូឡាឡាំពួប្រទេសម៉ាឡេស៊ី ទៅកាន់ទីក្រុងបានដុងនៃប្រទេសឥណ្ឌូនេស៊ីកាលពីថ្ងៃពុធម្សិលមិញ។
ទោះយ៉ាងណាជើងហោះហើរ AK416 បានដូរទិសដៅវិញ គឺទៅចុះចតនៅព្រលានយន្តហោះអន្តរជាតិ Senai នៅរដ្ឋ Johor ប្រទេសម៉ាឡេស៊ីវិញ ដើម្បីផ្តល់ថ្នាំសង្គ្រោះបន្ទាន់ បន្ទាប់មកក្រុមសង្គ្រោះបន្ទាន់បញ្ជាក់ថា បុគ្គលិកវ័យ៤៦ឆ្នាំនោះបានស្លាប់ហើយ។ នេះបើតាមសារព័ត៌មាន Straits Times។
ការស្លាប់បុគ្គលិកនេះមិនបានបង្កគ្រោះថ្នាក់ដល់អ្នកធ្វើដំណើរនោះទេ។
ក្រោយការស្លាប់នេះ ក្រុម Air Asia បានក៏ផ្សព្វផ្សាយសាររំលែកទុក្ខនិងការសោកស្តាយចំពោះការបាត់បង់បុគ្គលិករបស់ក្រុមហ៊ុននេះ។ ក្រុមហ៊ុនក៏បានសន្យាថា នឹងផ្តល់អត្ថប្រយោជន៍ផ្សេងៗគាំទ្រដល់បុគ្គលិកក្នុងស្ថានភាពលំបាកនេះ៕
