ប្រទេសចំនួនពីរដែលកំពុងមានជម្លោះព្រំដែនជាមួយចិនគឺប្រទេសឥណ្ឌា និង ប្រទេសវៀតណាម បានព្រមព្រៀងទ្វេរភាគីក្នុងការពង្រឹងសមត្ថភាពលើផ្នែកយោធា ដើម្បីការពារជាតិ។
នៅក្រៅកិច្ចប្រជុំអាស៊ានឥណ្ឌាកាលពីម្សិលមិញ មេដឹកនាំប្រទេសឥណ្ឌា លោក ណារិន ឌ្រាមូឌី និង មេដឹកនាំវៀតណាមលោក ង្វ្រៀន សូនផុក បានជជែកគ្នាពីការពង្រឹងសមត្ថភាពយោធា។ នេះបើតាមសារព័ត៌មាន India Times។
India Times ចុះផ្សាយថា ភាគីវៀតណាម បានជំរុញឲ្យឥណ្ឌា ពង្រឹងកិច្ចសហប្រតិបត្តិការលើផ្នែកការពារជាតិនៃប្រទេសទាំងពីរពេលបច្ចុប្បន្ន និងទៅថ្ងៃអនាគត។
បច្ចុប្បន្នវៀតណាមកំពុងតែមានជម្លោះដែនសមុទ្រជាមួយប្រទេសចិន នៅសមុទ្រចិនខាងត្បូង ហើយកើតមានអំពើហិង្សាជាបន្តបន្ទាប់។ ចំណែកប្រទេសចិននិង ប្រទេសឥណ្ឌាកំពុងមានជម្លោះនៅតាមព្រំដែនគោក នៅតាមតំបន់ភ្នំមានការផ្ទុះអាវុធជាបន្តបន្ទាប់ហាក់មិនមានភាពធូរស្រាលទេនៅប៉ុន្មានឆ្នាំចុងក្រោយនេះ៕
