ប្រធានាធិបតីអាមេរិក លោក ដូណាល់ ត្រាំ បាននិយាយនៅក្នុងកិច្ចសម្ភាសមួយនៅថ្ងៃនេះថា សហភាពអឺរ៉ុប បានធ្វើពាណិជ្ជកម្មជាមួយអាមេរិក «ដោយមិនស្មើភាព» ដោយលោកព្រមានថា បញ្ហាជាច្រើនរបស់លោកជាមួយសហភាពអឺរ៉ុប នឹងប្រែក្លាយរូបរាងកាន់តែធំ។ នេះបើតាមការចុះផ្សាយរបស់ទីភ្នាក់ងារព័ត៌មាន AFP។
លោក ត្រាំ បានថ្លែងក្នុងកិច្ចសម្ភាសជាមួយទូរទស្សន៍អង់គ្លេសកាលពីថ្ងៃព្រហស្បតិ៍សប្ដាហ៍មុនថា សហភាពអឺរ៉ុបបានប្រព្រឹត្តមិនស្មើភាពជាមួយអាមេរិកនោះឡើយ នៅពេលប្លុកមួយនេះធ្វើពាណិជ្ជកម្មជាមួយអាមេរិកនោះ។
ក្នុងកិច្ចសម្ភាសដែលចាក់ផ្សាយនៅថ្ងៃនេះ លោក ត្រាំ ថ្លែងបន្តថា លោកមានបញ្ហាជាច្រើនជាមួយសហភាពអឺរ៉ុប ហើយវាអាចប្រែក្លាយទៅជាអ្វីមួយកាន់តែធំជុំវិញបញ្ហាពាណិជ្ជកម្មនេះ។
លោក ត្រាំ ក៏បានព្រមានបែបនេះម្ដងរួចមកហើយអំឡុងពេលកិច្ចសម្ភាសមួយនៅក្រៅវេទិកាសេដ្ឋកិច្ចពិភពលោកនៅទីក្រុងដាវ៉ូស ជាទីដែលលោកបានលើកឡើងនូវរបៀបមួយហៅថា «អាមេរិកជាចម្បង» ទៅកាន់ក្រុមពាណិជ្ជករនៅលើពិភពលោក៕
