អៀឡង់​កំពុងសិក្សាពីការហាមរំលូតកូន

រដ្ឋាភិបាលអៀឡង់​កំពុងតែសិក្សាហើយនឹងរៀបចំធ្វើប្រជាមតិ ចង់បានមតិយោបល់ពីប្រជាពលរដ្ឋចំពោះការរៀបចំធ្វើច្បាប់ស្តីពីការហាមឃាត់ការរំលូតកូន។​

ការធ្វើប្រជាមតិនេះគ្រោងធ្វើឡើងនៅខែឧសភា  ដែលផ្តោតលើការហាមការរំលូតកូន ហើយឈានដល់ការធ្វើវិសោធនកម្មរដ្ឋធម្មនុញ្ញ។​ បច្ចុប្បន្ននៅក្នុងប្រទេសអៀឡង់ អនុញ្ញាតឲ្យស្ត្រីអាចរំលូតកូនបានតែក្នុងស្ថានភាពម្តាយមានហាភ័យឬ ប្រឈមគ្រោះថ្នាក់ខ្លាំង ប៉ុន្តែមានការលើកលែងចំពោះករណីរំលោភផ្លូវភេទ។​ នេះបើតាមសារព័ត៌មាន BBC។​

នាយករដ្ឋមន្ត្រីលោក​ Leo Varadkar ថ្លែងថា លោកនឹងធ្វើយុទ្ធនាការ ដើម្បីជំរុញឲ្យមានការធ្វើកំណែទម្រង់លើបញ្ហាទាំងនេះ។​

ការធ្វើប្រជាមតិមិនបានបញ្ជាក់ផ្តោតលើច្បាប់អ្វីច្បាស់លាស់នោះទេ គ្រាន់តែថា នឹងអាចធ្វើវិសោធនកម្មរដ្ឋធម្មនុញ្ញ ទាក់ព័ន្ធការហាមឃាត់រំលូតកូន។​

នៅក្នុងប្រទេសអៀឡង់ បច្ចុប្បន្នរឹតបន្តឹងការរំលូតកូន ប៉ុន្តែមិនបានកំណត់ឲ្យច្បាស់លាស់ពីភាពខុសច្បាប់នៃការរំលូតកូននោះទេ៕