កូរ៉េខាងជើងបានប្រកាសលុបចោលគម្រោងបង្ហាញវប្បធម៌រួមគ្នាជាមួយកូរ៉េខាងត្បូង ដោយមូលហេតុថា ប្រព័ន្ធផ្សព្វផ្សាយរបស់ទីក្រុងសេអ៊ូល ផ្សព្វផ្សាយលម្អៀង និងមានការបំពានមើលងាយលើក្រុមមកពីកូរ៉េខាងជើង។
តាមគម្រោងប្រទេសទាំងពីរបានព្រមព្រៀង កំណត់យកថ្ងៃទី៤ខែកុម្ភៈ ដើម្បីបង្ហាញវប្បធម៌ប្រពៃណី រៀបចំនៅដែនដីកូរ៉េខាងត្បូងនៅតំបន់ Mount Kumgang។ ការបង្ហាញវប្បធម៌នេះ គឺជាផ្នែកមួយនៃការរៀបចំកីឡាអូឡាំពិករដូវត្រជាក់ នៅក្នុងទីក្រុងព្យុងឆាងប្រទេសកូរ៉េខាងត្បូង។
ព្រឹត្តិការណ៍នេះ គឺជាពេលនៃការលេងកីឡា ការបង្ហាញវប្បធម៌ និងជាការពង្រឹងការទំនាក់ទំនងគ្នារវាងកូរ៉េទាំងពីរ ដែលប្រឈមមុខដាក់ខ្លាំងប៉ុន្មានឆ្នាំចុងក្រោយនេះ។
តាមរយៈប្រព័ន្ធលេឡេក្រាម កូរ៉េខាងជើង បានរិះគន់ថា មូលហេតុនៃការលុបចោលព្រឹត្តិការណ៍នេះ ដោយសារតែប្រព័ន្ធផ្សព្វផ្សាយរបស់កូរ៉េខាងត្បូងលម្អៀង និងបំពានមើលងាយ។ នេះបើតាមសារព័ត៌មាន BBC។
បញ្ហានេះ កូរ៉េខាងត្បូងសម្តែងការសោកស្តាយ ហើយជំរុញឲ្យកូរ៉េខាងជើងបន្តចូលរួមការសម្តែងនោះដូចមានព្រមព្រៀងទៅ៕