តុលាការថៃកាលពីថ្ងៃពុធម្សិលមិញបានសម្រេចកាត់ទោសឲ្យយុវជនចំនួន៦នាក់ឲ្យជាប់ទោស ពាក់ព័ន្ធការដុតបំផ្លាញរូបថតក្សក្រ Maha Vajiralongkorn និងបិតារបស់ព្រះអង្គកាលបីឆ្នាំមុននៅភាគខាងជើងនៃប្រទេសនៅ ខេត្ត ខនកែន។
នៅប្រទេសថៃច្បាប់ដាក់ទោសលើអ្នកប្រមាថក្សត្រតឹងរឹងជាងគេលើពិភពលោក ដែលអាចប្រឈមជាប់ពន្ធនាគាររហូតដល់១៥ឆ្នាំ។
ក្នុងចំណោមយុវជនទាំង៦នាក់នោះគឺមានអាយុចន្លោះពី១៨ទៅ២០ឆ្នាំ ដែលតុលាការរកឃើញថា មានកំហុសពាក់ព័ន្ធការប្រមាថដល់រាជវង្ស។ នេះបើតាមសារព័ត៌មានបាងកកប៉ុស្តិ៍។
ម្នាក់ក្នុងចំណោម៦នាក់នោះគឺជាប់ពន្ធនាគារ១១ឆ្នាំកន្លះ ៣នាក់ជាប់៧ និង៨ឆ្នាំ ចំណែកយុវជនដែលមានអាយុ១៨ឆ្នាំ២នាក់ គឺម្នាក់ជាប់៣ឆ្នាំ និងម្នាក់ទៀត ជាប់៤ខែ៕