សមាជិកសភាអាមេរិកមួយក្រុមរងរបួសក្នុងគ្រោះថ្នាក់ចរាចរណ៍

រថភ្លើងដឹកជញ្ជូនសមាជិកសភាមកពីគណបក្សសាធារណរដ្ឋរបស់អាមេរិក​ បានបុកជាមួយរថយន្តដឹកទំនិញបណ្តាលឲ្យធ្លាក់ផ្លូវកាលពីម្សិលមិញ ហើយក្នុងនោះអ្នកនាំពាក្យសភាក៏រងរបួសដែរ។​

របាយការណ៍ចុះផ្សាយដោយទីភ្នាក់ងារព័ត៌មាន AFP បានឲ្យដឹងថា  ក្នុងហេតុការណ៍គ្រោះថ្នាក់ចរាចរណ៍នេះ មនុស្សម្នាក់ស្លាប់ និង៦នាក់ផ្សេងទៀតរងរបួស។

ប៉ុន្តែតាមសេចក្តីប្រកាសរបស់ប្រធានាធិបតី ដូណាល ត្រាំ បានឲ្យដឹងថា សមាជិកសភាមិនមានអ្នករងរបួសធ្ងន់ធ្ងរនោះទេ។​

អ្នកធ្វើដំណើរនៅលើរថភ្លើងនោះមានជាង៣០០នាក់ ដែលរួមមានសមាជិកសភា ក្រុមគ្រួសារ និងបុគ្គលិកធ្វើការនៅទីនោះ គឺពួកគេធ្វើដំណើរពីរដ្ឋធានីវ៉ាស៊ីនតោនទៅរដ្ឋវីហ្គីនៀខាងលិច ដើម្បីលំហែកាយ និងប្រជុំគោលនយោបាយ។​ ចំណែកអ្នកស្ថិតនៅលើរថយន្តដឹកទំនិញនោះគឺម្នាក់ស្លាប់ និងមួយចំនួនទៀតទទួលរងរបួសធ្ងន់​៕