សមាជិកសភាអាមេរិករៀបចំផ្តល់ពានរង្វាន់ណូបែលសន្តិភាពដល់ ក្រុមយុវជន Joshua Wong ដែលនាំចលនាទាមទារឲ្យមានការគ្រប់គ្រងតាមបែបប្រជាធិបតេយ្យនៅលើដែនដីហុងកុង ដែលបច្ចុប្បន្នដែនដីនេះ កំពុងតែស្ថិតនៅក្រោមការគ្រប់គ្រងរបស់ចិន។
ក្រុមយុវជននៅហុងកុងដែលសភាអាមេរិកកំពុងតែរៀបចំផ្តល់ពានរង្វានណូបែលសន្តិភាពនោះរួមមាន Joshua Wongអាយុ ២១ឆ្នាំ Nathan Lawអាយុ២៤ឆ្នាំ Alex Chowអាយុ២៧ឆ្នាំ។ នេះបើតាមទីភ្នាក់ងារព័ត៌មានរ៉យទ័រ។
យុវជនមួយក្រុមនេះ បានដឹកនាំចលនាតវ៉ាតាំងពីឆ្នាំ២០១៤មក ដើម្បីទាមទារឲ្យមានការគ្រប់គ្រងតាមលទ្ធិប្រជាធិបតេយ្យនៅលើដែនដីហុងកុង ដែលជាដែនដីធ្លាប់ស្ថិតនៅក្រោមអាណានិគមន៍អង់គ្លេស។
រដ្ឋាភិបាលចិនកំពុងតែចាត់ទុកសកម្មភាពការតវ៉ាទាំងនេះ ជាសកម្មភាពខុសច្បាប់ ក្រុមអ្នកដឹកនាំការតវ៉ាត្រូវបានចាប់ខ្លួនដាក់ពន្ធនាគារជាបន្តបន្ទាប់។
គម្រោងនៃការរៀបចំផ្តល់ពានរង្វាន់ណូលបែលសន្តិភាពនេះ បានធ្វើឲ្យរដ្ឋាភិបាលទីក្រុងប៉េកាំងខឹងសម្បារកាន់តែខ្លាំងចំពោះគំនិតរបស់សមាជិកសភាអាមេរិក៕