មេភ្នាក់ងារចារកម្មផ្ទៃក្នុងរបស់អាល្លឺម៉ង់ បានទម្លាយឲ្យដឹងថា កូរ៉េខាងជើងកំពុងតែស្វែងរកទិញសម្ភារៈ និងបច្ចេកវិទ្យាសម្រាប់កម្មវិធីផលិតអាវុធនុយក្លេអ៊ែរតាមរយៈស្ថានទូតរបស់ខ្លួននៅទីក្រុងប៊ែរឡាំង។ នេះបើតាមការចុះផ្សាយរបស់ទីភ្នាក់ងារព័ត៌មាន AFP។
AFP បានចុះផ្សាយបែបនេះ ដោយបានដកស្រង់សម្ដីនាយកទីភ្នាក់ងារចារកម្មអាល្លឺម៉ង់ លោក Hans-Georg Maassen ដែលបាននិយាយថា ភ្នាក់ងាររបស់លោកកត់សម្គាល់ថា សកម្មភាពជាច្រើនកំពុងកើតចេញពីស្ថានទូតនេះ។
មេចារកម្មរូបនេះ ជឿជាក់ថា កូរ៉េខាងជើងកំពុងធ្វើសកម្មភាពដើម្បីកម្មវិធីមីស៊ីលរបស់គេ ប៉ុន្តែ ផ្នែកខ្លះក៏ដើម្បីកម្មវិធីនុយក្លេអ៊ែរផងដែរ៕