ប្រធានាធិបតី អាឌុលឡា យ៉ាមេន កាលពីម្សិលមិញ ប្រកាសដាក់ឲ្យស្ថិតនៅក្រោមស្ថានភាពអាសន្នរយៈពេល១៥ថ្ងៃ នៅក្នុងកោះហានីមូន មុនពេលដាក់កម្លាំងប្រដាប់អាវុធច្រើនឡោមព័ទ្ធជុំវិញតុលាការកំពូល និងការឃាត់ខ្លួនអតីតមេដឹកនាំ ធ្វើឲ្យវិបត្តិនយោបាយកាន់តែស្ថិតនៅក្នុងភាពធ្ងន់ធ្ងរ។
ស្ថានភាពប្រទេសកាន់តែធ្លាក់ចុះក្នុងស្ថានភាពធ្ងន់ធ្ងរ នៅពេលដែល ប្រធានាធិបតីបច្ចុប្បន្នចេញមុខប្រឆាំងតុលាការកំពូល ដែលសម្រេចដោះលែងអ្នកទោសនយោបាយចំនួន៩នាក់ កាលពីថ្ងៃព្រហស្បតិ៍សប្តាហ៍មុន។
ប៉ុន្មានឆ្នាំចុងក្រោយនៅក្នុងបរទេសម៉ាលឌីវ មានបញ្ហាបន្តបន្ទាប់ ក្រោយពេលប្រធានាធិបតីបច្ចុប្បន្នឡើងកាន់តំណែង កាលពី២០១៣ ហើយបង្ក្រាបខ្លាំងក្លាលើក្រុមប្រឆាំងជាបន្តបន្ទាប់។
កាលពីថ្ងៃចន្ទម្សិលមិញ សមត្ថកិច្ចបានឃាត់ខ្លួន អតីតប្រធានាធិបតី លោក Maumoon Abdul Gayoom។ អតីតប្រធានាធិបតី រូបនេះ ស្ថិតនៅក្នុងក្រុមប្រឆាំង ហើយក៏បានចូលរួមយុទ្ធនាការប្រឆាំងប្រធានាធិបតីបច្ចុប្បន្ន៕