អ្នកទទួលមរតកក្រុមហ៊ុនអេឡិចត្រូនិច របស់កូរ៉េខាងត្បូងSamsung លោក Lee Jae-yong បានដើរចេញពីពន្ធនាគារ បន្ទាប់ពីតុលាការកំពូលព្យួរទោសរបស់លោក៥ឆ្នាំ ពាក់ព័ន្ធចោទថា ពុករលួយ។
តុលាការជាន់ខ្ពស់ទីក្រុងសេអ៊ូល បានរក្សាបទចោទករណីនេះ ដូចតុលាការជាន់ក្រោម ប៉ុន្តែសម្រេចព្យួរទោស។នេះបើតាមសារព័ត៌មាន BBC។
នៅក្នុងសវនាការកាលពីថ្ងៃចន្ទម្សិលមិញតុលាការកំពូលបានសម្រេចរក្សាបទចោទ និង ទំហំទោសនៅដដែលប៉ុន្តែព្យួរការអនុវត្តទោស ដែលចោទថា បុគ្គលរូបនេះ ពាក់ព័ន្ធករណីអំពើពុករលួយ លើសំណុំរឿងលោក ប៉ាក ឃៀនហេ អតីតប្រធានាធិបតីដែលដកចេញពីតំណែង។
លោក Lee Jae-yong ថ្លែងថា លោកនឹងដាក់ប្តឹងទៅឧទ្ធរណ៍ដើម្បីឲ្យទម្លាក់ចោលការចោទប្រកាន់លើទោសរបស់លោកទាំងស្រុង៕