ម៉ាឡេស៊ីស្វែងរកការជជែកជាមួយថៃជុំវិញសិទ្ធិជនជាតិអ៊ុយហ្គ័រ

ឧបនាយករដ្ឋមន្ត្រីម៉ាឡេស៊ី លោក Zahid Hamidi  ថ្លែងថា ប្រទេសរបស់លោក នឹងស្វែងរកការជជែកបន្ថែមទៀតជាមួយប្រទេសថៃ លើករណីជនជាតិអ៊ុយហ្គ័រចំនួន​១១នាក់ ដែលរត់គេចខ្លួនពីខេត្តស៊ុងក្លា ហើយបច្ចុប្បន្នចិនកំពុងទាមទារឲ្យបញ្ជូនទៅវិញ។​

ជនជាតិអ៊ុយហ្គ័រ១១នាក់នោះគឺជាមនុស្សស្ថិតក្នុងក្រុម២០នាក់រត់ចេញពីប្រទេសចិន ហើយចូលដីថៃត្រូវថៃចាប់ខ្លួន បន្ទាប់មកពួកគេជីកដីរូងហើយគេចចេញកន្លែងឃុំឃាំង ហើយរត់ទៅប្រទេសម៉ាឡេស៊ី។​

លោក Zahid Hamidi ថ្លែងថា ពួកគេនឹងពិភាក្សាជាមួយថៃ ហើយថា បើសិនជាជនជាតិភាគតិចទាំងនោះជាក្រុមភេរវកម្មមែននោះ គឺទុកឲ្យអាជ្ញាធរចិនជាអ្នកសម្រេចចុះ។​

កាលពីដើមខែនេះ អាមេរិក និង អង្គការសិទ្ធិមនុស្សមួយចំនួន​បានសម្តែងការព្រួយបារម្ភចំពោះសុវត្ថិភាព និង សិទ្ធិរបស់ជនជាតិភាគតិចទាំងនេះ៕