ក្រុមចារកម្មយោធារុស្ស៊ី បានហ៊ែកចូលក្នុងកុំព្យូទ័ររាប់រយគ្រឿងដែលប្រើប្រាស់នៅក្នុងព្រឹត្តិការណ៍កីឡាអូឡាំពិក ហើយបានព្យាយាមធ្វើយ៉ាងណាឲ្យមើលទៅដូចជាស្នាដៃរបស់កូរ៉េខាងជើង។ នេះបើតាមការចុះផ្សាយរបស់ទីភ្នាក់ងារព័ត៌មាន AFP ដែលបានដកស្រង់ការចុះផ្សាយរបស់កាសែតអាមេរិក Washington Post កាលពីថ្ងៃម្សិលមិញ។
AFP បានចុះផ្សាយបន្តថា កូរ៉េខាងជើងត្បូង បានប្រកាសកាលពីមុនថា ខ្លួនកំពុងតែស៊ើបអង្កេតទៅលើដំណើរការជាប់គាំងនៃគេហទំព័រជាច្រើន និងប្រព័ន្ធផ្សព្វផ្សាយដែលជាប់ពាក់ព័ន្ធនឹងព្រឹត្តិការណ៍កីឡាអូឡាំពិក បន្ទាប់ពីព្រឹត្តិការណ៍កីឡានេះបានចាប់ផ្ដើមកាលពីថ្ងៃទី០៩ ខែកុម្ភៈ។
ដោយបានដកស្រង់សម្ដីចារកម្មអាមេរិក កាសែតអាមេរិកបានចុះផ្សាយថា ទីភ្នាក់ងារចារកម្មយោធារុស្ស៊ី GRU បានចូលទៅគ្រប់គ្រងលើកុំព្យូទ័រប្រហែល ៣០០គ្រឿងនៅដើមខែកុម្ភៈនេះ ដែលកុំព្យូទ័រទាំងនោះសុទ្ធតែពាក់ព័ន្ធនឹងស្ថាប័នកីឡាអូឡាំពិក។
ជាលទ្ធផល អ្នកចូលរួមជាច្រើន មិនអាចព្រីនសំបុត្រវរបស់ពួកគេដើម្បីចូលរួមក្នុងព្រឹត្តិការណ៍កីឡានេះបានឡើយ ដោយបណ្ដាលឲ្យកៅអីជាច្រើននៅទំនេរ។
កាសែតអាមេរិកបានចុះផ្សាយបន្តថា ក្រុមហ៊ែកឃ័័ររុស្ស៊ី បានលួចចូលក្នុងបណ្ដាញកុំព្យូទ័រ និងដាក់បញ្ចូលកម្មវិធីមួយដែលមានទម្រង់ជាមេរោគ ដើម្បីប្រមូលទិន្នន័យ និងធ្វើឲ្យប្រព័ន្ធទាំងមូលដំណើរការមិនស្រួល៕
