ប្រធានាធិបតីអាហ្គានីស្ថាន លោក អាស្រាហ្វ ហ្គានី (Ashraf Ghani) បានលើកឡើងពីការស្វែងរកកិច្ចចរចាដោយសន្តិភាពជាមួយក្រុមឧទ្ទាមតាលីបាន (Taliban)ឈានដល់បទឈប់បាញ់គ្នា បន្ទាប់ពីផ្ទុះសង្គ្រាមរវាងក្រុមទាំងពីរ១៦ឆ្នាំមកនេះ។
លោកអាស្រាហ្វ ថ្លែងនៅក្នុងវេទិកាសន្តិភាពនៅក្នុងទីក្រុងកាប៊ុល លោកស្នើឡើងពីការចរចាគ្នាផ្តោតលើបទឈប់បាញ់ និងដោះដូរអ្នកជាប់ពន្ធនាគារ។ នេះបើតាមសារព័ត៌មាន BBC។
ការងាកមករកតុចរចានេះ អាចផ្នែកមួយដែលក្រុមតាលីបានទទួលស្គាល់រដ្ឋាភិបាលអាហ្គានីស្ថាន និង គោរពនីតិរដ្ឋ។
ទោះយ៉ាងណាការចរចាសន្តិភាពពេលកន្លងទៅគឺក្រុមតាលីបាន នៅតែបន្តសកម្មភាពវាយប្រហារ ដោយពួកគេមិនបានគោរពតាមកិច្ចព្រមព្រៀងនោះទេ។
អ្នកនាំពាក្យក្រុមតាលីបាន ថ្លែងប្រាប់ BBC ជាភាសាអាហ្គ្រានីស្ថានថា ពួកគេរង់ចាំការសម្រេចពីថ្នាក់ដឹកនាំជាមុនសិន។ កាលពីថ្ងៃចន្ទក្រុមនេះថ្លែងថា ពួកគេរង់ចាំការចរចាដោះស្រាយបញ្ហាជាមួយសហរដ្ឋអាមេរិក ប៉ុន្តែពួកគេមិនបានលើកឡើងពីការជជែកជាមួយប្រទេសហ្គានីស្ថាននោះទេ។
កាលពីពេលកន្លងទៅ ក្រុមតាលីបានធ្លាប់ច្រានចោលការចរចាជាមួយរដ្ឋាភិបាលអាហ្គានីស្ថាន ហើយទាមទារឲ្យសហរដ្ឋអាមេរិកចេញមុខ៕