មនុស្ស៣នាក់ស្លាប់ និង ១៥នាក់ផ្សេងទៀតធ្លាក់ខ្លួនឈឺដោយសារតែការបរិភោគត្រសក់ស្រូវ ដែលដាំនៅក្នុងរដ្ឋ New South Wale ហើយមានផ្ទុកសារធាតុពុល គឺបាក់តេរី Listeria។
ពេលនេះ អាជ្ញាធរបានប្រកាសឲ្យមនុស្សចាស់ ស្ត្រីមានផ្ទៃពោះ និង កុមារ ឲ្យជៀសវាងបរិភោគត្រសក់ស្រូវ ខណៈការពុលកំពុងក្លាយជាក្តីកង្វល់។ នេះបើតាមសារព័ត៌មានBBC។
មនុស្ស១៥នាក់ផ្សេងទៀត កំពុងតែស្ថិតនៅក្នុងការព្យាបាល និង តាមដានការវិវត្តនៃជំងឺនេះ បន្ទាប់ពីពួកគេបរិភោគត្រសក់ស្រូវនោះ។
អាជ្ញាធរអូស្ត្រាលីកំពុងមានវិធានការស្រាវជ្រាវ និង ឈប់ស្កាត់ការឆ្លងរាលដាល ហើយមាន ការសន្និដ្ឋានថា មេរោគនោះឆ្លងចេញពីកសិដ្ឋានមួយនៅក្នុងទីក្រុង Griffith នៃ រដ្ឋNew South Wales។
