រដ្ឋាភិបាលឥណ្ឌាបានបញ្ជាក់ថា កម្មករសំណង់ជនជាតិនេះចំនួន៣៩នាក់ ដែលធ្វើការងារនៅក្នុងទីក្រុងមួយនៃប្រទេសអ៊ីរ៉ាក់ ហើយត្រូវបានក្រុមភេរវកម្មISចាប់ជំរិតកាលពីឆ្នាំ២០១៤នោះ រងការសម្លាប់ទាំងអស់។
រដ្ឋមន្ត្រីក្រសួងការបរទេសឥណ្ឌាលោកស្រីSushma Swaraj ថ្លែងថា យោងទៅតាមភស្តុតាងផ្សេងៗ ប្រៀបធៀបជាមួយសាកសពដែលពួកគេរកឃើញនោះបញ្ជាក់ថា កម្មករជនជាតិឥណ្ឌានោះត្រូវបានសម្លាប់អស់ហើយ។នេះបើតាមសារព័ត៌មានBBC។
ចាប់តាំងពីការចាប់ជំរិតនៅទីក្រុងMosulកាលពីឆ្នាំ២០១៤មក រដ្ឋាភិបាលឥណ្ឌាបានស្វែងរកមធ្យោបាយផ្សេងៗដើម្បីសង្គ្រោះអ្នកទាំងនោះ ដោយគិតថា ពួកគេនៅមានជីវិត។ ឥណ្ឌាក៏បានធ្វើកិច្ចការងារនេះជាមួយអាជ្ញាធរអ៊ីរ៉ាក់ បន្ទាប់ពីអ៊ីរ៉ាក់ដើម្បីយកក្រុងនេះវិញពីក្រុមភេរវកម្មកាលពីឆ្នាំមុន។
កាលពីឆ្នាំមុនលោកស្រីSushma Swaraj ធ្លាប់ថ្លែងប្រាប់សភាថា កម្មករជនជាតិឥណ្ឌាទាំងនោះ មិនមានភស្តុតាងបញ្ជាក់ថា ស្លាប់ទេ។
