ជនសង្ស័យជាភេរវករ ៧នាក់ ត្រូវបានប៉ូលិសម៉ាឡេស៊ីចាប់ខ្លួននៅរដ្ឋចូហូរ និងសាបាហ៍ កាលពីថ្ងៃម្សិលមិញនេះ។ នេះបើតាមការចុះផ្សាយរបស់សារព័ត៌មានសិង្ហបុរី Channel News Asia ដោយបានដកស្រង់សម្ដីប៉ូលិសម៉ាឡេស៊ី។
សារព័ត៌មានដដែលនេះ បានចុះផ្សាយបន្តថា ជនសង្ស័យ ៦នាក់ក្នុងចំណោម ៧នាក់នោះ គឺជាជនជាតិម៉ាឡេស៊ីមកពីក្រុមភេរវកម្មរដ្ឋឥស្លាម ហើយពួកគេត្រូវបានចាប់ខ្លួនក្រោមការសង្ស័យថា រៀបចំផែនការវាយប្រហារលើទីតាំងគោរពបូជាមិនមែនជាមូស្លីម និងរៀបចំផែនការសម្លាប់បុគ្គលិកប៉ូលិស ខណៈដែលសមាជិកក្រុមអាប៊ូសាយយ៉ាហ្វ៍ម្នាក់ ត្រូវបានចាប់ខ្លួននៅរដ្ឋសាបាហ៍។
ជនសង្ស័យទាំងនោះ ត្រូវបានចាប់ខ្លួនក្នុងប្រតិបត្តិការជាច្រើននៅចន្លោះថ្ងៃទី២៧ ខែកុម្ភៈ និងថ្ងៃទី១៥ ខែមីនាកន្លងមកនេះ៕
