សម្ព័ន្ធមិត្តអង់គ្លេសកំពុងតែធ្វើសង្គ្រាមការទូតជាមួយរុស្ស៊ី តាមរយៈការបណ្តេញមន្ត្រីការទូតចេញពីប្រទេសទាំងនោះ ក្រោយពេលមានការចោទថា រុស្ស៊ីបានប្រើប្រាស់ថ្នាំបំពុលសម្លាប់មន្ត្រីចារកម្មរបស់អង់គ្លេស។
តាមការចុះផ្សាយរបស់សារព័ត៌មានBBC បានឲ្យដឹងថា ប្រទេសចំនួន២១ បានបណ្តេញមន្ត្រីការទូតរបស់រុស្ស៊ីចំនួន១១៤នាក់ចេញពីប្រទេសរបស់ពួកគេ តាមការអំពាវនាវរបស់អង់គ្លេស។ ប្រទេសទាំងនោះរួមមាន កាណាដា សហរដ្ឋអាមេរិក អ៊ុយក្រែន អាលបានៀ អូស្ត្រាលី និង បណ្តាលប្រទេសជាច្រើនទៀត។
ក្នុងចំណោមសម្ព័ន្ធមិត្តទាំងនោះរួមមាន សហរដ្ឋអាមេរិកបានដឹកមុខគេក្នុងការអនុវត្តន៍វិធានការនេះ គឺអាមេរិកបានដេញអ្នកការទូតរបស់រុស្ស៊ីចំនួន៦០នាក់។
ទោះជាយ៉ាងណារុស្ស៊ីបានច្រានចោលការចោទប្រកាន់នេះ ម្តងហើយម្តងទៀត ហើយពេលនេះរុស្ស៊ីកំពុងតែរកវិធីដើម្បីឆ្លើយតបការដាក់សម្ពាធនេះវិញ។